Connect with us
MVP Ad

KASO MAXIMUS TA BASÁ RIBA REDU, FANTASIA I FANTASMA

Local

KASO MAXIMUS TA BASÁ RIBA REDU, FANTASIA I FANTASMA

KASO MAXIMUS TA BASÁ RIBA REDU, FANTASIA I FANTASMA

KASO MAXIMUS TA BASÁ RIBA REDU, FANTASIA I FANTASMA – WILLEMSTAD.- Korte di promé instansia ayera a trata e promé dia di e di 3 dianan di kaso Maximus outor  intelektualnan.

Ta trata di e kaso di kual e eks minister di hustisia George Jamaloodin (51) ta keda akusá di Germanium, Passat i Maximus.

Parti mèrdia korte a kontinuá ku e di 3 kaso ku ta Maximus, despues di a trata Germanium i Passat.

Maximus  ta e kaso di kual Jamaloodin ta keda akusá di ta esun ku a paga pa asesiná e lider polítiko di Pueblo Soberano Helmin Magno Wiels dia 5 di mei 2013.

Hues van Lies Hout ta esun ku a hiba e kaso ayera. Fiskal Gert Rip i Ivo Out  ta esnan ku a representá Ministerio Públiko i trese e akusashonnan dilanti.

Jamaloodin manera el a pidi, a keda tres’é korte sin sirena, sin kara tapá, sin pia di bui, i bistí na flus en bes di unifòrm koló oraño. El a keda trasladá for di prizòn Boneiru pa Kòrsou bou di kustodia di e tim di aresto.

Esaki ta algu ku te ainda no a yega di sosodé ku un sospechoso ku ta detené.

Pa loke ta trata kaso Maximus, hues van Lieshout a repasá  henter e trayektoria di e asesinato ku a tuma lugá na Maripampun 5 di mei 2013, te na e kastigu di Elvis “Mònster” Kuwas ku  ta esun ku a asesiná Wiels inklusivo dos víktima mas i a keda kondená na bida largu.

Tambe hues a repasá  e kaso di Burney “Nini” Fonseca ku a keda konsiderá komo esun ku a buska asesino pa likidá Wiels. Fonseca a keda kondená na 25 aña den korte di promé instansia, pero despues a wòrdu kondená na 26 aña den korte di apelashon.

Hues a relatá vários deklarashon anónimo ku tabatin na aña 2013 despues ku e asesinato a tuma lugá entre nan ku Robbie’s Dos Santos ta esun ku a paga pa mata Wiels i a wòrdu poné bou di preshon pa Nini, Pretu, Leesly pa mas sèn.

Dos Santos lo mester a paga mas di un mion florin pa mata Wiels.

Tambe un testigu a deklará di a tende Jamaloodin papia ku su ruman Robbie na telefòn dia 5 di mei, ora e ta  bis’é ku Wiels ta bayendo Pier i ku e ta su so, pues sin seguridat.

Riba e deklarashonnan aki, hues a bisa ku tur tabata deklarashonnan anónimo  ku no por wòrdu usá den e kaso aki.

Riba esakinan Jamaloodin a duna di konos’é ku e ta insistí riba su inosensia.

El a bisa ku for di 2011 ku su ruman a hañ’é den problema ku hustisia,  e no ta papiando na telefòn mas ku su ruman. Tur loke ku e tin ku papia ku su ruman e ta hasié personal.

Segun Jamaloodin hustisia tabatin su telefòn di tap for di 2012 i ku nan ta bon na altura kiko e tabata papia na telefòn i ku ken e ta papia na telefòn.

Jamaloodin a bisa hues ku komo hues, el a wòrdu manipulá dor di Ministerio Públiko.

El a bisa ku kaso Maximus, no tin nada konkreto den dje i ku ta un kaso puru di redu, fantasia i fantasma. Jamaloodin a bisa ku fiskal Rip a wak asina tantu pelíkula, te ku el a kuminsá fantasia i mira kosnan ku no ta eksistí.

Mas aleu el a duna di konos’é ku e ta haña ‘jammer’ pa e famianan di Wiels, pero ku RST i Ministerio Públiko a hasi nan trabou manera mester ta, awe nan lo a haña e berdadero kulpabelnan i kisas haña sa kosnan ku nan no tabata sa.

Jamaloodin a keda bisa ku e no tin nada di aber ku e asesinato di Wiels i ku e ta hòmber inosente.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!