Connect with us
MVP Ad

KARENTENA BARKU FREEWINDS RELASHONÁ KU KASO SARAMPI A YEGA NA SU FIN

freewinds

Local

KARENTENA BARKU FREEWINDS RELASHONÁ KU KASO SARAMPI A YEGA NA SU FIN

Prev1 of 2
Use your ← → (arrow) keys to browse

KARENTENA BARKU FREEWINDS RELASHONÁ KU KASO SARAMPI A YEGA NA SU FIN

KARENTENA BARKU FREEWINDS RELASHONÁ KU KASO SARAMPI A YEGA NA SU FIN –  WILLEMSTAD.- Teniendo kuenta ku periodo di kontagio di sarampi i tumando den konsiderashon e fecha di isolashon di e persona ku sarampi i e fasilidatnan di isolashon di e barku, a determiná ku 13 di mei tabata e delaster dia ku lo por a ferwagt un kaso nobo di sarampi. Esaki ta nifiká ku for di 14 di mei tur hende (tripulante i pasahero) ku tabata na bordo por move ku total libertat for di e barku.

Manera ta konosí, for di djasabra 11 di mei a lanta parsialmente e karentena, pa un grupo di 295 (kasi 93%), 201 tripulante i 94 pasahero. Vários pasahero a kue rumbo pa nan respektivo paisnan for di djasabra ku djadumingu. Vários a keda ounke ku nan lo por a biaha bai.

For di 14 di mei tur hende lo por baha i subi e barku ku tur libertat sin niun peliger pa kontagiá otro hende.

Sarampi ta un di e asina yamá malesanan di mucha òf tambe malesanan ku por prevení ku vakuna. Manera hopi hende ta kòrda, hopi di nos, spesialmente esnan nasé te na final di añanan sesenta a yega di haña sarampi. Gran mayoria di nos a sobrebibí, pero esaki no ta e kaso pa tur mucha na mundu. Sarampi tabata kousa asina tantu malesa grave i eksihí asina tantu morto ku pueblonan tabata kontentu ora ku a desaroyá e vakuna kontra di sarampi. Vakunashon tabatin asina un impakto grandi riba sobrebibensia di mucha chikitu ku na aña 1994 henter e kontinente di Amérika a komprometé su mes di eradiká sarampi for di nos pueblonan pa aña 2000.

For di aña 2002 no tabatin ningun kaso di kontagio ku sarampi na ningun pais ni isla di region di Amérika.

Na aña 2016, Organisashon Mundial di Salú a deklará region di Amérika liber di sarampi.

Prev1 of 2
Use your ← → (arrow) keys to browse

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!