Aruba Birdlife Conservation ta orguyoso di anuncia cu e Kalènder di Parhanan di Aruba 2026 ta disponibel awor. E kalendernan aki ta regalonan hopi special pa famia, amigonan y coleganan, regalonan cu ta yuda haci un diferencia real.
Tur entrada ta bay directamente pa e conservacion di nos Shoco. E Shoco ta un sub-espehsi endemico ku solamente ta eksistí na Aruba, i cu ta keda solamente mas o menos 200 par di cria. Tur esfuerso ta importante pa garantisa su futuro.
Tin motibo pa speransa. Na December 2024, e Iberostar–Tierra del Sol Golf Course a wordo declara oficialmente como Santuario Nacional di Shoco. Durante 2025, a tuma varios paso importante pa e protekshon di e Shoco, cu e instalacion di neishi artificial na lugarnan strategico manera Joia Aruba by Iberostar (“Shoco Boulevard”), Marriott Aruba (“Marriott Shoco Garden”) y na e International School of Aruba (ISA).
E esfuersonan di conservacion lo sigui y wordo amplia den 2026. Ta tin plananan ya den proceso pa pone mas neishi artificial na lugarnan sigur riba henter e isla, pa aumenta e oportunidat di cria, mehorá e chansenan di sobrevivencia y evita e ecstinkshon di e Shoco.
E Kalender di Parhanan di Aruba 2026 ta disponibel pa solamente AWG 20 i por wordo kumpra na e siguiente lugarnan: Best Deal in Paradera, Botica Eagle, Botica Noord, Botica Maria, Botica Sero Preto, “Op=Op” in Italiëstraat, “Op=Op” in Paradera, “Op=Op” in San Nicolas.
Mirando pa futuro, Aruba Birdlife Conservation ta orguyoso di ta anfitrion di e World Owl Conference na September 2026, kaminda lo presenta descubrimento cientifico tocante e Shoco di Aruba. Tambe tin otro actividadnan importante plania pa e proteccion di nos Shoco.
Pa preguntanan of mas informacion, por tuma contacto cu nos via
[email protected]
Donashonnan ta semper bon bini y por wordo hasi na:
Foundation Aruba Birdlife Conservation
Aruba Bank – Number di kuenta 2402860190
Kumpra un kalènder i yuda protehá nos Shoco.
Masha danki pa bo sosten.
Aruba Birdlife Conservation