Connect with us
MVP Ad

JAMALOODIN TA ESUN KU A SÒRU PA ELVIS KUWAS ASESINÁ HELMIN WIELS

Local

JAMALOODIN TA ESUN KU A SÒRU PA ELVIS KUWAS ASESINÁ HELMIN WIELS

JAMALOODIN TA ESUN KU A SÒRU PA ELVIS KUWAS ASESINÁ HELMIN WIELS

JAMALOODIN TA ESUN KU A SÒRU PA ELVIS KUWAS ASESINÁ HELMIN WIELS – WILLEMSTAD.- Fiskal Rip ayera durante kaso Maximus a demandá George Jamaloodin na un kastigu di 30 aña di prizòn.

Fiskal a bisa ku e ta haña kastigu di bida largu muchu pisá pa Jamaloodin i ku e ta tene kuenta ku Jamaloodin no tin niun karchi kastigu.

Mas aleu fiskal a duna di konos’é ku Jamaloodin ta esun ku a enkargá Nini pa organisá e asesinato di Helmin Wiels dia 5 di mei 2013.

Segun fiskal Jamaloodin konosé Fonseca pa hopi aña. El a gaña ku e no tabata na altura ku ruman di Fonseca a bai Speedy security, di kual na opinion di fiskal esaki no ta kuadra mirando e mailnan  di e trahadónan di e kompania. Jamaloodin a  ninga di a duna Fonseca un kantidat grandi di plaka, miéntras su trahadó ta deklará otro kos riba esaki.  Segun fiskal Rip, Jamaloodin lo a bula bai Venezuela pa tratamentunan médiko entre otro pa operashon, miéntras su trahadó a bisa ku el a bai Venezuela, despues ku a konfiská su telefòn.

Fiskal Rip  a duna di konosé ku Jamaloodin no a hasi niun operashon na Venezuela pero tabata festehá tur dia ei nan.

Jamaloodin a deklará ku durante su detenshon e tabatin verlòf wikènt. Pero segun su amiga, Jamaloodin a kumpra e bewakernan di Interpol ku tabatin vigilansia riba dje, di kual e por a bai unda ku e ke i para tambe unda ku e ke. Jamaloodin a deklará di a haña un yamada di e asesinato ora ku e tabata huntu ku su yu muhé. Segun fiskal e yamada tabata 17.47 kasi un ora despues di e suseso i despues ku Jamaloodin mes tabata den serkania di e lugá di delito.

Na promé instansia Jamaloodin a ninga di tabata na e sitio di delito dia di e suseso, pero despues ku el a keda konfrontá ku deklarashonnan  di testigunan, el a atmití di no a papia e bèrdat.

Fiskal a duna di konos’é ku den wowo di OM, Jamaloodin ta esun ku a sòru pa Kuwas asesiná Wiels. Huntu ku otronan, e akusado a laga kita bida di e lider polítiko.

Segun fiskal derechi riba bida di ser humano ta algu fundamental i ku tin ku wòrdu protehá den nos komunidat.

Fiskal a bisa ku e echo aki, e akusado a kousa daño ireparabel na famianan di e defuntu.

Nan laga kometé un akto kriminal i baho durante oranan  kla di dia riba via públiko hinkando pániko i inseguridat den e komunidat.

Banda di esaki OM ta  bisa ku e kastigu mester ta un poko mas pisá ku normal, mirando ku Helmin Wiels tabata un polítiko i representante di pueblo, su partido Pueblo Soberano i a keda asesiná di un manera hopi insignifikante ku a shòk komunidat.

Segun fiskal, nos ta bibando den un pais demokrátiko kaminda tur siudadano, polítiko mester sinti nan mes trankil i sigur dor di duna nan opinion personal.

Dor di e karakter polítiko, OM ta di opinion ku e asesinato aki mester pisa mas ku otro asesinatonan ku no tin karakter polítiko.

Riba tur kos OM ta di akuerdo ku e akusado no a mustra niun klase di duele, no tin sentimentunan i no ta lamentá e loke el a hasi. Mirando tur esakinan OM a haña 30 aña na su lugá pa demanda Jamaloodin den kaso Maximus.

 

Continue Reading
Advertisement
You may also like...

More in Local

MVP Ad
To Top
Close
error: Content is protected !!