Iran ta rechasa demanda di Trump pa haci un deal den 48 ora

Iran a rechasa e demanda di Donald Trump pa e regimen haci un deal den 48 ora of enfrenta “all hell”.

Diasabra, e presidente di Merca a post riba social media: “Corda ora mi a duna Iran dies dia pa HACI UN DEAL of HABRI E ESTRECHO DI HORMUZ,” referiendo na un ultimatum emiti riba 26 di maart.

​“Tempo ta cabando – 48 ora prome cu tur fierno lo reina riba nan.”

Comando militar central di Iran a rechasa e ultimatum, cu General Ali Abdollahi Aliabadi bisando cu e menasa di Trump tawata un “accion indefenso, nervioso, desbalansa y bobo”.

Riba e mesun tono di e lenguage di Trump, el a adverti cu “e portanan di fierno lo habri pa boso”.

Trump despues a post un video cu tabata mustra explosionnan cu tabata ilumina e shelo di anochi hunto cu texto cu tabata bisa: “Hopi di e lidernan militar di Iran … ta termina, hunto cu hopi otro cos mas, cu e atake masivo aki na Tehran,” sin specifica ki tempo esaki a tuma luga.