Interpol Dominicano a captura homber cu a asesina señora na Solito

E caso cu ta bou investigacion pa autoridad aki na Aruba foi 22 di november 2025 momento cu autoridad a keda informa door di algun persona cu nan a haya falta di un conocir cu ta biba na Solito. Ora nan a yega e cas a haya e cas bashi pero dudoso. A pone cu autoridad a drenta e cas bou orden di fiscal di Ministerio Publico y ora a bay coba y habri un freezer e chikitonan cu ta pone na vloer a topa cu un situacion hororoso.

A topa cu un curpa di un hende corta den pida pida y hinca den e freezer, debi ne frieu a pone cu no a haya holor na prome instante. A start un investigacion grandi a cuminsa busca tur caminda kende tabata biba den e cas y asina pone un alerta na un di dos persona cu tabata biba cu e señora y asina a topa cu nomber di un mucha homber. Na mas cu un ocasion Polis a yega presenta e cas pa e mucha homber cu e cabes no ta 100 100.

E señora ta un persona amabel pa tanto su coleganan y bisiñanan. E tabata na caminda pa pronto baha pensioen. Coleganan a haya su falta. Segun informacion cu nos a haya ta loke coleganan a haya duda ta momento cu a mande un whatsapp na su number, el a contesta bek via mensahe di texto di cual nunca e no sa contesta bek cu text semper un voice note y esaki a lanta un duda cu a bay controla e cas y bati alarma.

Autoridad competente a keda e cas te marduga, despues di un investigacion grandi pa colecta tur parti importante di e cas, nan a tape e freezer completo y cu un truck a hiba e freezer pa Hospital, y eynan cu cautela y siguridad a baha e freezer pidiendo tur trahador di Hospital keda atras un momento y asina e outopsia a tuma luga na hospital unda eynan a saca e curpa.
E potretnan cu tabata sali riba internet no ta ni cuadra con e freezer ta.

Aruba di biaha a informa autoridadnan na Republica Dominicana di e caso y datonan completo di e sospechoso Adrian Faña debi cu den sistema di Airport a capta cu e homber a bandona Aruba den un vuelo di mainta pa merdia directo pa Republica Dominicana.
Interpol Dominicano a sigui e sospechoso su pasonan y asina a pone man riba dje diabierna atardi.