Connect with us
MVP Ad

HUES TA DESTRUÍ BUT DI POLIS

Caribean

HUES TA DESTRUÍ BUT DI POLIS

HUES TA DESTRUÍ BUT DI POLIS

 -HUES TA DESTRUÍ BUT DI POLIS –  KRALENDIJK.- Dos outomobilista ku a haña but pa motibu ku nan outo tabata ‘mal stashoná’ den Playa, a haña apsolushon di hues siman pasá. Un di e personanan aki, Peter de Graaf, ku tabata posishoná riba lista di UPB den último elekshon, a trese henter e kontròlnan ku polis ta hasi den sentro di Playa na diskushon riba facebook di ‘Durftevragen’. Extra a buska komentario tambe di Ministerio Públiko den e asuntu aki, pasobra e por pone ku outomobilistanan ta kere ku nan sigui stashoná nan outo riba asera.

Segun Peter de Graaf, dia 18 di mart último el a haña un but serka polis pa motibu ku su outo lo tabata mal stashoná enfrente di e ofisina di IND. Mas outomobilista haña but e dia ei i a tou nan outo bai kuné.

Akseso liber

Segun de Graaf, e ta haña lógiko ku si bo outo ta stroba hende di kana riba asera, polis ta duna bo but i tou bo outo. Pero den su kaso e asera tabata kompletamente liber. E no a aseptá e but i a bai korte. El a puntra tantu hues komo fiskal kiko ta nan opinion i nan tabata kompletamente di akuerdo kuné ku e but no tabata na su lugá.

Hues a destruí e but tambe. Naturalmente e desishon aki di hues Edelenbos ta lanta interogante. Otro outomobilistanan, basá riba e desishon di hues den e kaso aki, por bai sinti nan mes liber pa para outo riba asera, basá riba un presedensia ku a krea. Pero nan mester paga bon tinu.

Lei antikuá

Fiskal mayó di Parkèt di Ministerio Públiko, Bote ter Steege a komentá e desishon aki di hues pa Extra. El a kuminsá na bisa ku ainda e lei di tráfiko bieu di 1957 ta konta, anke ku Konseho Insular a trata i aprobá un lei nobo ku ta drenta na vigor na ougùstùs awor.

E funshonario di OM a splika ku e lei bieu ta atendé asuntu di stashonamentu di outo den artíkulo 18, ku ta indiká entre otro ku ta prohibí pa para outo di tal forma ku e ta stroba libertat di tráfiko mas tantu ku ta nesesario, òf dado kaso e vehíkulo ta trese tráfiko den peliger.

Tokante asera, e lei ta duna instrukshon basta asertá. Tambe tin prohibishon pa para riba brùg, pegá ku bògt etc. Importante aki ta ku e bista mester keda liber.

No apropiá

Fiskal mayó Ter Steege a sigui splika ku e lei antikuá di 1957 no ta tur biaha apropiá pa aktua kontra stashonamentu malu den Playa. I enbèrdat korte a apsolbé dos persona ku no a keda kontentu ku nan but i a bai korte. Esaki pa motibu ku e dos insidentenan aki no ta kai bou di e reglanan spesífiko di tráfiko ku polis a apliká.

Di akuerdo ku Ter Steege, den e dos kasonan aki ademas tabata insufisiente kla ku no por a papia di stroba tráfiko òf di trese siguridat na peliger. Ter Steege: “Mi ke bisa sí ku den mayoria kaso ku polis a duna but pa outonan mal pará a sigui un kondena na momentu ku e akusadonan a bai korte pa buska nan derecho. Entrante 1 di ougùstùs sinembargo, momentu ku e lei nobo di tráfiko drenta na vigor, no por skapa manera a sosodé. Si no paga but ta sigui un kondena di korte.”

Kontròl ta sigui

E dos apsolushonnan aki no ta nifiká sinembargo ku polis lo stòp di kontrolá mal stashonamentu riba asera den Playa. Bote ter Steege a bisa ku e tabatin kontakto ku hefe di kuerpo polisial i e kontròlnan ta sigui. Lo sigui parti but, teniendo kuenta sinembargo ainda ku e burakunan den e lei antikuá. Tambe ora ku no lokalisá e doño lo laga tou su outo hiba na lugá di kustumber.

Despues di 1 di ougùstùs sí palu ta bai hala ku tur hende ku stashoná nan outo riba asera den Playa. Nan ta haña but i nan por ta sigur ku korte lo no bai destruí e butnan aki mas. Bote ter Steege a splika tambe kon e asuntu di toumentu di outo ta hinká legalmente den otro. Den otro artíkulo Extra lo pone atenshon na esaki.

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!