Hood di auto a habri den careda pone chauffeur cay den greppel na Hato

Diamars despues di 2’or atardi riba caminda di Hato pa Pos Abou poco pabou di e rotonde, un dama chauffeur den un chevrolet aveo bayendo direccion pariba a haya su mes den un susto momento cu e hood a dal habri den careda, y esaki a pone cu e dama a perde control baha caminda y a cay den e greppel cu e auto.

E dama a keda levemente herida, tabatin dolor na curpa. Polis tabata dirigi caminda un momento. Ambulance a presenta y paramedico a brinda asistencia y cu ayudo di un ex colega paramedico a saca e señora den e auto y a keda transporta pa hospital.