Homber y muhe a bringa cu otro, un a corta y hinca otro na Savaneta

Diabierna atardi bahada di solo na un cas na Savaneta tabatin un pelea formal cu a termina den hincamento, polis a keda informa y patruya a presenta cu maximo urgencia. Na yegada di e prome patruya a topa cu un homber y un muhe na sanger.

Ta mustra cu discusion a bay full foi man unda e dama lo a hinca e homber cu un obhecto y e homber a agredi e muhe te cu a corte durante e pelea.

Ambulance a presenta y aki paramedico a brinda asistencia medico ne dama, ya cu e homber a nenga yudansa. Polis a intermedia na ambos pa e asunto aki yega un fin.