Homber sin bida haya den mondi na Matividiri

Diahuebs atardi algun persona hoben cu tabata core bais den area di Matividiri pa bay costa nort algo colorido a hala nan atencion den mondi bou un mata. E hobennan a yega cerca y mira un homber sin bida sinta, a bati alarma. Polis a topa cu e personanan y a guia e oficialnan y a cana basta pa yega ne sitio. A notifica dokter, departamento forensico y slachtofferhulp pa presenta n’e sitio.

A notifica brandweer cu a presenta cu un ekipo completo pa cana mas cu 1.5 km pa yega ne sitio. Polis a bay na cas di e persona na Papaya pa informa e famia di e caso lamentabel, ya cu di trempan tabata busca e homber caba di fam Kock, y ta un empleado publico cu ta traha den un departamento di husticia.

Famianan a yega n’e sitio, slachtofferhulp di biaha a tuma e famia over pa papia cu nan di e situacion lamentabel. Bomberonan despues di un rato a sali pafo y bin cu e curpa. A warda auto funeral pa asina bay cu e restonan mortal.