Homber pashent di respaldo a saca cuchiu bay direccion di Polis y tiro a cay

Diamars den careda di 3’or di atardi presencia di Polis tabata rekeri na un cas na Pos Abou pa un hoben di den careda di 35 aña cu a sali foi respaldo.
Siman atras caba Polis tabata ne cas ya cu e mucha homber a lanta cu e famia y momento cu Polis a yega e tabata diremate y tira mokete bay off. Polisnan a hayanan mes ta wante y asina bay cune na boei pa respaldo.

Algo a bay robes cu diamars atardi e mucha homber a sali foi respaldo bay direccion di cas y personal di respaldo a siguie y informa autoridad.

Ne cas e mucha homber a lanta cu familiar y polis a bay papia cune pe calma. Aki e mucha homber a pasa man pa un machete y a bin straight den direccion di e oficialnan cu intencion di hinca mata y e oficial a saca su arma reglamentario y los algun tiro. E tironan a alcansa su schouder y el a keda herida.

Ambulance a keda pidi cu urgencia y asina a stabilise y bay hospital cune pa atencion medico un biaha mas.

Landsrecherche tambe a presenta pa pone nan mes na altura di e caso y e hefenan encarga di Cuerpo Policial.