Homber cu multiple hinca transporta cu urgencia pa Hospitaal

94

Nijhoffstraat, San Nicolas
Diabierna den careda di 7 y cuarto di anochi. A sosode un caso serio di hincamento den Nijhofstraat.

Algun persona lo a agredi un persona y na momento cu polis a yega a bin ripara cu e victima tabata tin como 3 pa 4 hinca den pecho y tabata sangrando hopi. Polis na e sitio mesora a pidi ambulance cu hopi urgencia.

Polisnan a topa cu algun testigo y a tuma nan declaracion. E victima tambe a logra duna polis algun informacion, unda e hincamento a sosode algun meter mas leu polis a bin haya cuchiunan benta.

Mientras cu tabata wardando riba ambulance e victima su situacion a cuminsa bira pio y tabata pidiendo ambulance pa yega mas rapido posibel.

Na yegada e paramediconan hopi lihe a prepara e victima y cu urgencia a transport’e pa hospital.

E area unda e hincamento a tuma luga a wordo cera y a pidi pa presencia di Departamento Tecnico pa mas investigacion.

E victima su situacion ta hopi critico, unda cu varios patruya di polis mester a habri caminda pa e ambulance por a yega mas lihe cu ta posibel Hospital.