Homber a hinca pareha nobo di su ex casa na South Beach

Diadomingo pasa di 11:30 anochi den area di South Beach center a sosode un caso serio unda un homber a keda hinca pa otro. Esaki a sosode dilanti di un restaurant den e mall, polis y ambulance a keda dirigi cu urgencia p’e sitio.

Na yegada di Polis a topa cu basta sanger benta abou y nada di e victima, ta un persona cu a mira e situacion a bisa e polisnan unda e hende na sanger a cana. Mientras cu ambulance tabata na caminda, polis a keda informa cu un homber na sanger y hinca a yega eerste hulp den un auto particular.

A bay busca mas informacion y e señora na eerste hulp a duna di conoce na autoridad cu su ex casa a topa e cu su homber nobo y aki e ex casa a hinca e homber cu un obhecto skerpi y e tabata basta serio.

Di biaha a bay cu e homber paden y pa operacion cuminsa debi n’e hinca. Ne mall polisnan a tuma tur potret di e senario di e sangernan benta abou.