Homber a bira malo y fayece na pia di trabou

Diasabra atardi na the reef condo situa na J.E Irausquin Blvd pazuid di Embasy autoridad a keda informa cu un homber a bira malo y no ta reaccionando y su coleganan a topa cune patras y a bin cune dilanti den un auto.

Prome unidad di ambulance y polis a presenta di biaha n’e sitio. Paramediconan a cuminsa cu reanimacion mientras e di dos ambulance tambe a presenta pa duna un man sigui cu e procedura. No tabata hayando pulso mes, na final a constata cu posibel ataca di curason a mata e homber di biaha. A haci varios intento sin ningun resultado. A pidi pa dokter presenta y constata morto, di e homber di 54 aña cu a fayece na pia di trabou.
Palabra di profundo condolencia n’e famia.