17
Oranjestad – Aruba
Diabierna den oranan trempan di anochi polis di San Nicolas a bay den Nijhofstraat, pa un persona cu lo a wordo maltrata pa algun persona.
Na yegada, e maltrata a cambia pa un caso serio di hincamento. E hoben aki di 19 aña a ricibi varios hinca den area di su pecho. Dado momento e situacion a sigui empeora, pero ambulance tawata leu y trafico hopi druk. Pues esaki a causa un tardansa.
Paramediconan cu a yega mesora a actua, mirando e situacion di e hoben a sali cu maximo urgencia direccion Dr.Horacio Oduber Hospitaal.
Update cu nos ta dispone di dje ta cu e hoben aki ta luchando pa su bida den cuido intensivo.
Autoridad tin un persona deteni.
