Hoben a dal abou cu brommer keda basta herida

Diahuebs merdia riba caminda di Sero Preto na Paradera ta sosode un accidente serio unda un mucha homber di por lo menos 17 aña a slip cu brommer y a dal abou keda basta herida. Ta personanan cu a topa cu e mucha homber aki benta abou a bati alarma na autoridad, a kere cu ta auto a dal e, pero a mira riba caminda cu ta suso cu suso.

E hoben tabatin basta sla na cabes y na su pianan. Rapid Responder di Ambulance a presenta di biaha pa brinda asistencia medico y a cuminsa trata e herido serio na su cabes cu a cuminsa hincha.

Polis motorisa y polis di trafico a presenta di biaha pa atende cu e accidente, a constata e plachi number ta falso riba dje, y e hoben tabata core e brommer sin helm.

Mama tambe a presenta y a drenta shock p’e sucedido.
Ambulance a transporta e hoben pa hospital.