Diabierna merdia n’e crusada di Koyari net pabou di Italo ta sosode un desgracia entre auto y brommer, unda un hende homber di edad halto tras di stuur di un lexus a baha fo’i e crusada sin a para y crusa caminda dal den e motociclista.
E motociclista a dal basta duro den e banda drechi di e auto, e tabatin helm bisti pero e helm mes a bula bay cay algun meter leu.
E mucha homber di 24 aña tabata keha di dolornan fuerte ey bou, riba e live riba facebook por observa esaki y te hasta su cara a cuminsa hincha bira un situacion serio. Ora a yega hospital dokternan a cuminsa haci e scan necesario y a constata cu e mucha homber tin sla serio na su cabes y tin cu mande den coma pa e hincha por baha y operacionnan por tuma luga.
Pero oranan a pasa y e situacion a bira mas serio pa e curpa unda e hincha no ta baha y e curpa a cuminsa bay mas atras. Na bucaramanga dokternan a haya full rapport di e persona pero a nenga y mira e caso ta mas serio y tin cu mand’e Bogota unda dokternan di Bogota Colombia a bisa cu nan lo ward’e peashent y asina tramitenan di biaha a tuma luga cu AZV cu a aproba esaki y diasabra atardi e Air ambulance a presenta.
Ambulance a bay hospital y topa cu e team di Air Ambulance y asina prepara tur cos ya cu e curpa ta riba mashin. E avion a lanta vuelo prome cu 7:30 pm. Ta di lamenta cu ya fo’i 7:02 a hinca e hoben den e avion, pero ta mustra cu na Aruba un Air Ambulance no tin e prioridad den un flight plan segun informacion cu nos a ricibi y no ta problema cu mester a warda basta pa haya luz berde pa lanta vuelo te casi 7:25pm.
Palabra di recuperacion p’e hoben di 24 aña.
Follow the story