Connect with us
MVP Ad

HELMIN WIELS TABATA RABIA RIBA MFK, ROBBY I AMPARO DOS SANTOS

Local

HELMIN WIELS TABATA RABIA RIBA MFK, ROBBY I AMPARO DOS SANTOS

HELMIN WIELS TABATA RABIA RIBA MFK, ROBBY I AMPARO DOS SANTOS

HELMIN WIELS TABATA RABIA RIBA MFK, ROBBY I AMPARO DOS SANTOS – WILLEMSTAD.- Helmin Wiels tabata rabia ku MFK (Gerrit Schotte) i e rumannan Robby i Amparo Dos Santos. Esaki ta loke a bin dilanti ayera den sala di korte na momentu ku a trata e último parti di investigashon Maximus. Eks minister di finansa George “Jorge” Jamaloodin ta para den korte pa kaso Maximus. Kaso Maximus ta trata esun ku a paga i tambe duna enkargo pa mata Wiels.

Hues van Lieshout a lesa deklarashon di eks kolega di e partido na kual Jamaloodin tabata pertenesé ku ta MFK, den e kaso aki Dean Rozier.
Rozier a deklará ku e relashon entre Wiels i Jamaloodin tabata hopi malu i tambe ku partido.
Dia 3 di mei 2013, dos dia promé ku nan a asesiná Wiels na Marie Pampoen, Rozier a topa ku Wiels. Helmin tabatin un karta ku djaluna (6 di mei) e lo a entrega na ministerio públiko pa investigá e loteria di SMS di Robby i UTS (kumpramentu di number via di telefòn).

Wiels tabata hopi rabia ku e rumannan di Jamaloodin ku ta Robby i Amparo Dos Santos. Pa loke ta trata Jamaloodin, segun Rozier, Wiels no ta parti un pan kuné.
Di otro banda Jamaloodin tampoko no tabatin lei ku Wiels. Ora e tende Wiels papia na radio, Jamaloodin tabata bira razu.
Tambe Jamaloodin no a keda kontentu ku Wiels su aktuashon pa ku un moshon di deskonfiansa ku a trata den parlamentu kontra di Jamaloodin.

Segun Dean na un okashon Jamaloodin lo a deklará dilanti di su koleganan di partido ku Wiels mester keda mata. Jamaloodin a desmentí esaki. Jamaloodin a bisa hues ku Dean ta un kontrinkante polítiko ku a bai ku asiento di MFK.
Tambe Helmin Wiels lo a rabia masha pisa ku e lider di partido MFK, Gerrit Schotte, pasombra esaki a laga traha un rapòrt den eksterior kontra di Wiels. Parse ku e rapòrt aki polítikamente Schotte ke a kibra Wiels. E rapòrt aki a enkontra den kompuiter di yu muhé di Amparo Dos Santos.
Wiels a haña sa dje rapòrt aki, na momentu ku for di Merka el a risibí un yamada di un hòmber ku a notifik’é dje rapòrt. E hòmber a bisé di a notifik’é dje rapòrt ku a keda traha kontra di dje, pasombra e ta haña ku Wiels ta traha pa e pueblo. Esaki a pone ku Wiels a kibra ku MFK. Tur esakinan ta loke ku hues van Lieshout a trese dilanti pa loke ta trata investigashon ku tabatin den e kaso aki.

Continue Reading
Advertisement
You may also like...

More in Local

MVP Ad
To Top
Close
error: Content is protected !!