Habitantenan no tabata por cu pelea formal den cas pa casi 1 ora

Diasabra pasa di 11’or di anochi habitantenan di Ierlandstraat tabata scucha un grito di otro mundo ta sali foi un apartamento e habitantenan pa mas di mei ora ta tende grito so te cu a sinti cos escala y pasa di 11:50 anochi a pidi asistencia policial ya cu ta sintiendo cu algo ta pasando cu e muhe den e apartamento.

Patruya di Oranjestad a presenta di biaha ne sitio aki oficialnan bay paden y nan tambe a tende e gritamento y a bati na porta pa atende cu esnan den e cas. A compronde cu di berdad tabatin un discucion formal di pareha pero no tabatin ningun hende herida. Posibel cansancio di carnaval a pone cu e temperatura tabata halto y a bin baha esaki na cas.