Habitantenan a scucha grito den Bushiri: Dos hende muhe a bringa cu otro den cas

Diabierna prome cu 3’or di atardi polis a keda informa door di bisiñanan di cas di pueblo na Bushiri di un desordo saliendo foi di un di e flatnan cu ta indica cu lo tin pelea formal, despues di rato a keda informa cu tin hende herida posiblemente hinca. Patruyananan di Oranjestad a presenta di biaha n’e sitio y a bay na unda e problema ta, a constata cu ta dos hende muher den e cas a bringa cu otro y den esaki un lo a cera porta den carada di otro y un a keda herida. No tabatin nada di arma blanco den e wega, ningun di e dos muhe no kier a entrega denuncia. Paramedico a controla e persona herida. Polis a tuma tur dato.