Aruba

Grupo di Proyecto Pro Freres de La Salle cusiguiente projecto na e comunidad Arubiano. – Aruba Native

Published on January 20, 2026

Manera ta conoci, den siglo pasa e Freres de la Salle a lanta y duna enseñanza na diferente scol di mucha hombre na Aruba. Diferente di e grandinan masculino ta recorda diferente experiencia di e añanan aki. Sercan an tambe ta conocí e cantidad di tempo cu e Freres a inverti na e guía y formación di nos hobennan pafor di oranan di scol.

Nan tabata e fundador di diferente club di deporte cu te ainda ta existi y ta activo. Tambe riba tereno cultural nan tabata activo. Hopi di nos ta recorda e añanan glorioso di “De Trupialen” cu bao di guia di Frere Alexius a entretene grandi y chiquito cu nan canto y teatro.

For di comienso di 1937 te cu mei 2000, Freres de la Salle a forma parti di nos comunidad Arubiano y nan herencia y impacto tabata grandi. Sinembargo mientras e añan ta progresando e recuerdo y impacto di e Freres ta bira vago den nos memoria. For di punto di bista historico e ta bal pa mantene den nos memoria, nan trabao incondicional sin propio interes den nos comunidad. Nan ta merece un lugar di honor riba nos isla.

Levensloop freres GRAFIEK 13 Januari 2026 1

Na januari 2025 un grupo di persona cu un sentimiento nostalgico y di gratitud a lanta cu e idea pa conserva e memoria di nan impacto incondicional pa futuro y a lanta Grupo di Proyecto Freres de la Salle.

Grupo di Proyecto Freres de la Salle a dicidi pa realisa un proyecto consistiendo di tres parti esta construccion di un monumento; publicacion di un buki di conmemoracion y produci un documentario di nan trabao na Aruba.

Pa realisa esaki ta puntra e cooperacion y participacion di ex alumnonan. E intencion ta pa realisa tur e tres subproyectonan ariba menciona pa 2027, e aña cu lo e ta 90 aña pasa cu e prome Frere a yega Aruba.

Pa e realisacion di e proyecto aki obviamente lo mester placa. E suma presupuesta ta Afl. 495.000,00. E grupo di Proyecto actualmente ta aserca diferente organisacion y comercio pa

Account Name: Stichting Huize De La Salle * KvK-nummer: S12.0

37050 Primavera 1-B, Sabana Blanco, Mahuma

Aruba Bankrekening: 762.810.0190

Swift Code: ARUBAWAX

* Contact: * Palm Beach 128 * Mobile: 593-3041 * Email: freresdelasalle.aua@gmail.com

Stichting Huize De La Salle Projectgroep Pro Frères de la Salle

recauda fondo pa cubri e gastonan di realisacion. Pero dor cu ta considera e proyecto aki como un expresion di gratitud pa tur locual e Freres de la Salle a haci pa Aruba ta pidi e comunidad Arubiano pa tambe contribui na e gastonan pa asina realisa e proyecto conmemorativo bunita.

Nos ta conta cu Bo contribucion generoso riba nos cuenta di banco na Aruba Bank.

Riba nomber: Stichting Huize De La Salle

Primavera 1-B, Sabana Blanco, Mahuma

Aruba Bankrekening: 762.810.0190

Swift Code: ARUBAWAX

Aruba, 19 Januari 2026

De projectgroep Pro Freres De La Salle

Persona di contacto:

Calixto “Tito ”Sapuana

Mobiel: 593-3041

Account Name: Stichting Huize De La Salle * KvK-nummer: S12.0

37050 Primavera 1-B, Sabana Blanco, Mahuma