Gritando manera alma malo: Turista burachi a drenta lama anochi

1

Alarma a keda bati diasabra den careda di 9:40 anochi pa un caso di atencion cu turista, por a tuma nota di varios unidad policial na altura di Tamarijn hotel e banda panort unda e beach ta y varios persona mirando direccion di lama.

Kico a sosode
Autoridad a keda informa cu un turista hende muhe bebi a drenta lama na gritamento y a cuminsa bay afo, na yegada di e oficialnan a tuma nota di un hende homber na canto den lama y a lusa pa sa kico ta pasando. E homber a sali afo e indica Polis cu tin un muhe den awa bayendo afo.

Den scur leu den awa
E oficialnan na canto a luza afo y di berdad por a mira leu ne ultimo boei tin un muhe di berdad den awa bayendo afo, pero algun hende a sigui su tras tanto un muhe y dos homber a drenta awa asina mes pa bay yuda e muhe cu ta blo grita manera alma malo.

Rescate y Intervencion
Tres persona valioso, dos homber y un muhe, a drenta awa pa purba rescata e turista. Despues di un lucha den awa pa motibo di e resistencia di e dama cu for di canto por a tende ta grita sin fin di palabra manera cu mundo ta cabando, nan a logra sake sano y salvo hiba canto pero asina mes ta grita.

Na tera firme, autoridadnan a constata cu e dama a consumi alcohol na exceso. A resulta cu e tabatin un pleito cu famia, locual a pone drenta lama den un momento di desesperacion. Polis a papia cu e dama y a convenc’e pa e bay su camber na hotel pa sosega su curpa y evita mas problema.