Connect with us
MVP Ad

GOBIÈRNU NO TA TENDE, P’ESEI KOS TA PASA AWE!!

Local

GOBIÈRNU NO TA TENDE, P’ESEI KOS TA PASA AWE!!

GOBIÈRNU NO TA TENDE, P’ESEI KOS TA PASA AWE!!

GOBIÈRNU NO TA TENDE, P’ESEI KOS TA PASA AWE!! – WILLEMSTAD.- Tur e problemanan ku gobièrnu ta señalando awe ta kosnan ku frakshon di MFK a mira i atvertí pa nan fo’i adelantá. Por ehèmpel, e presupuesto di 2018 i 2019 MFK a bisa ku esaki no ta balansá i komo tal no por aprobá un presupuesto ku no ta balansá. Pero di parti di koalishon MFK a haña un kantidat di krítika tantu for di parlamentarionan di koalishon komo di parti di gobièrnu. Esei di akuerdo ku sr. Gilmar “Pik” Pisas durante e reunion públiko dje siman aki pa trata situashon finansiero di gobièrnu. Segun sr. Pisas, por kòrda kon MFK ta pidi dokumentonan i no ta risibí esakinan. Ministernan tabata bin den Staten i nenga di duna kontesta riba preguntanan.

Es mas, MFK a trese moshonnan pa asina kontribuí na e kousa, a presentá ku amiendanan pa asina kontribuí pero konstantemente koalishon tabata rechasá esakinan.

Pero MFK a atvertí ku si a sigui dje manera aki lo a bin surgi problema hopi grandi i serio. No lubidá ku e pais aki tin un ekonomia ku a mira kontrakshon pa dos aña siguí, i e ta bayendo mas atras, ya ku pobresa i kriminalidat ta subiendo. E pueblo no tin rosea mas, tin kompanianan ku ta serando nan portanan, pakusnan ta sera porta i hende ta bai kas. Awor nos tin un problema mas grandi ku ta Refineria Isla, i MFK a antisipá ku nos pais ta bai haña un kolèps.
Segun sr. Pisas dado momentu ku a kuminsá pidi gobièrnu pa skucha, esaki no tabata ser hasí, sino ku tabata bisa ku tur kos ta bon i na òrdu. Na su opinion, opviamente e koalishon aktual ta bibando den espasio, pasobra ta parse ku nan no sa kiko ta pasando riba nos isla.
Seguidamente sr. Pisas a splika ku, tempu el a sinta komo promé minister di pais, for di e tempu ei el a nota ku no tabatin niun depchi den kaha di gobièrnu. E tempu ei el a bisa stret ku Kòrsou ta bankarota, i e tempu ei el a haña krítika pisá atrobe. Nan a bisa asta pa e pidi despensa, ku e no tin skol i kasi nan a yam’é bobo. Pero loke ta bin resultá awor ta ku gobièrnu ta dunando e rason pa loke el a bisa. Awor si a akseptá for di e tempu ei ku e situashon ta asina serio, kisas awe nos lo no tabatin e problema aki. Kisas huntu lo a lucha i boga pa pone CFT un banda i bini ku nos propio Kámara di Presupuesto. Awor si e koalishon ni gobièrnu no ta kere den otronan, outomátikamente lo surgi problema.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!