Connect with us
MVP Ad

GOBIERNO A HACI Y TA HACIENDO TUR ESFUERSO PA HABRI E REFINERIA

Caribean

GOBIERNO A HACI Y TA HACIENDO TUR ESFUERSO PA HABRI E REFINERIA

GOBIERNO A HACI Y TA HACIENDO TUR ESFUERSO PA HABRI E REFINERIA

GOBIERNO A HACI Y TA HACIENDO TUR ESFUERSO PA HABRI E REFINERIA –  ORANJESTAD – “E tema di refineria ta keda un tema hopi delicado den nos comunidad, e chensnan cada biaha ta mustra mas scur. Mientras cu algun siman atras, mi a kere cu e problemanan tabata serio, actualmente, nan ta mas serio y cada dia ta bira mas serio.

Loke cu profundamente mi ta lamenta”, ta palabranan expresa pa Prome Minister Evelyn Wever-Croes.

Mientras cu e seriedad di refineria ta escalando dia pa dia, oposicion ta purba di bira e situacion e.o. bisando cu Gobierno di Aruba no tin interes pa habri e refineria cu fin pa haci wega politico.

Prome nan a sali ta bisa cu Gobierno tin mas interes den cannabis cu pa habri e refineria. Despues nan a bisa cu Gobierno tin mas interes den hotel cu den habri e refineria. P’e motibo aki mes, Prome Minister a expresa cu ta bon pa trece un biaha mas e realidad di e refineria manera cu e ta.

“Gabinete Wever-Croes a yega haya e refineria sera. Y desde e prome dia, nos Gobierno ta haciendo tur nos esfuerso pa purba habri e refineria bek. E refineria di Aruba no a sera desde cu nos a drenta Gobierno sino desde aña 2013 durante e gobernacion di Gabinete Mike Eman. Ora cu nos a drenta Gobierno, e refineria ya caba tabatin 4 aña sera.

Mike Eman no por bin bisa awor cu ami no a logra habri’e, mientras cu e mes tampoco a logra habri’e den e 4 añanan durante su gobernacion”, Prome Minister a enfatisa.

E mandatario principal di nos pais a expresa cu e refineria tin un importancia asina grandi pa nos pais por lo tanto no ta algo pa haci politica barata cu n’e. Pa Gobierno e esfuersonan ta enfoca pa rescata e refineria teniendo cuenta cu tata y mamanan di famia, kendenan ta traha eynan.

Y esaki, Gobierno a purba di tur manera y den tur angulo pa logra esaki. Awor a yega n’e punto cu e Prome Ministernan di Aruba y Corsou mes ta bay Washington comienso di otro siman pa atende cu e tema serio aki na unda tur esfuerso ta wordo haci pa nos yega na un apertura of un solucion pa nos refineria.

Prome Minister a indica cu no necesariamente cu Citgo. E relacion cu Citgo ta un relacion hopi malo. Y si mira bek atras, e relacion aki nunca mester a bin riba pia mes.

Citgo no ta un partner confiabel y no a tene su mes na niun palabracion ni cu e Gobierno anterior ni cu Gabinete Wever-Croes.

“Loke nos ta purbando cu Citgo ta sera e capitulo ey y sali for di e contract. Nos no t’asina leu ainda.

Abogadonan ta bezig cu e caminda ey, pero mes momento nos kier traha y weita si tin espacio pa sigui desaroya un refineria den futuro talbes cu un otro operador.

Si esaki no ta posibel, manera palabra den acuerdo di gobernacion, Gobierno lo bay bek den comunidad pa conhuntamente dicidi si e pueblo ta desea un Aruba cu refineria of un Aruba sin refineria.

N’e momentonan aki, Gobierno ta haciendo tur esfuerso pa habri e refineria aki. Esaki ta locual nos a palabra”, Prome Minister Evelyn Wever-Croes a termina bisando.

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!