Connect with us
MVP Ad

GEZAGHEBBER SOSPECHOSO DEN KASO CALDERA

Caribean

GEZAGHEBBER SOSPECHOSO DEN KASO CALDERA

GEZAGHEBBER SOSPECHOSO DEN KASO CALDERA

GEZAGHEBBER SOSPECHOSO DEN KASO CALDERA – KRALENDIJK.- Riba 12 di yüni Rijksrecherche ta bai interogá gezaghebber Edison Rijna. E kombersashon aki ta relashoná ku e investigashon yamá Caldera. Ta trata entre otro di un investigashon ku tin di aber ku iregularidatnan na e servisio DROB ku otorgamentu di tereno i falsifikashon di dokumentu.

Den e kaso akí ta trata di dos ámtenar di Entidat Públiko Boneiru ku Ministerio Públiko a konsiderá komo sospechoso despues Entidat Públiko a terminá nan relashon di trabou. Un di e dos personanan akí a hasi denunsia kontra gezaghebber Rijna. Gezaghebber Rijna a splika ku e denunsia tin di aber ku un petishon pa un tereno den èrfpagt ku el a hasi na 2013. E tempu ei komo direktor i doño di e kompania Bon Recycling B.V., el a hasi petishon pa un pida tereno na èrfpagt i pa konstrukshon i resiklahe despues riba e tereno.

‘Segun e persona ku a hasi denunsia, e petishon aki lo no a kana segun prosedura. Rijksrecherche ke investigá esei awor. Mi ta konvensí ku mi a aktua korekto i tin konfiansa den e kombersashon ku mi lo bai tin ku Rijksrecherche. Naturalmente lo mi duna tur mi koperashon na esaki.

E echo ku mi ta bou di investigashon di Rijksrecherche ta pone ku naturalmente mi no ta sinti mi mes kómodo den mi funshon aktual di gezaghebber.

Manera boso sa últimamente mi a hasi basta esfuerso i dediká hopi tempu pa yega na un gobernashon transparente. Un gobernashon kaminda integridat ta pará sentral i kaminda no tin espasio pa duda den honestidat di mandatarionan’, gezaghebber Rijna a trese dilanti.

Gezaghebber Rijna a enfatisá ku den su ròl komo gezaghebber. Ta bon pa menshoná ku e investigashonta kubri un periodo kue no tabata gezaghebber ainda.

Gezaghebber Rijna a sigui bisa, dentro di poko e tin e kombersashon ku Rijksrecherche. Den kuadro di e investigashon e no por i no tin mag di duna informashon riba kon e investigashon ta sigui kana. Den e tipo di investigashonnan akí manera ta kustumber, Ministerio Públiko, den e kaso akí Ministerio Públiko di Kòrsou, ta enkargá pa duna informashon. Gezaghebber Rijna: ‘Mi ta respetá esaki kompletamente i ta spera ku boso tambe lo hasi esaki. Komo gezaghebber mi ta haña importante pa mi ta habrí ku komunidat di Boneiru i medionan di komunikashon.

Pa e motibu aki mi a tuma e inisiativa pa informá boso di e forma akí. Mi ke enfatisá ku komo gezaghebber mi tin pleno konfiansa den ophetividat di e investigashon’.

Gezaghebber Rijna a bisa djarason mainta e tabatin un kombersashon na telefòn ku Sekretario di Estado Knops di Asuntu Interno i Relashon den Reino. El a inform’é ku den e periodo binidero e lo tuma vakashon en espera di e desishon di Ministerio Públiko den e kaso aki.

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!