Connect with us
MVP Ad

GANG DI SABANA BASORA A KEDA CONDENA PA SERIE DI ATRACO

Caribean

GANG DI SABANA BASORA A KEDA CONDENA PA SERIE DI ATRACO

GANG DI SABANA BASORA A KEDA CONDENA PA SERIE DI ATRACO

GANG DI SABANA BASORA A KEDA CONDENA PA SERIE DI ATRACO – ORANJESTAD. – Diaranson ultimo den oranan di mainta a tuma luga, sentencia den e caso penal cu OM tabatin contra gang di Sabana Basora. Tur e 4 acusadonan a wordo haya culpabel.

Ora di lesa e sentencia, Hues a splica cu aki ta trata di un caso hopi serio cu a mantene comunidad den un susto durante un luna largo.

E cuatro hobennan envolví ta: Jorge Antonio Ramirez; Joander Antonio Alexander Ramirez; Arold Clement Santos Ramirez y Jerleyne Shalenne Dirksz. Nan a wordo acusa cu den e periodo di 19 di september, 2018 pa 2 di october, e hobennan aki tabata envolvi den e atraco den cual arma di candela a wordo uza. E dama envolvi, kende tin dos yiu chiquito, a actua como chauffeur.

Hues a splica cu “complicidad” a keda legalmente comproba den caso di e dama envolví. E tabata esun cu tabata maneha e auto durante mas cu un di e atraconan, y a pesar cu e ta bisa cu el a haci esaki bou presion di su pareha, esaki no a convence Corte. Na mesun momento e Magistrado a expresa cu e ta spera cu esaki ta un les pa e mama hoben aki y e stop di anda cu e gang aki di Sabana Basora.

Fiscal a pidi den su caso un castigo di 4 aña incondicional, pero Corte na final a impone un castigo di tres aña. Esaki ta nifica cu e mester bay KIA bek, for di unda a lague sali ya cu e mester a duna luz. Su baby tin apenas algun luna bieu.  E tin dos siman pa pensa si e ta acepta e castigo of ta apela. Si e dicidi di acepta e castigo, e lo wordo deteni mesora y ta wordo manda KIA, unda cu despues di dos aña caba e lo por sali liber pa bon comportacion. Si e dicidi di apela, e lo no wordo deteni. Esaki no ta sosode tanten cu e sentencia no bira definitivo. E ta core e riesgo cu ora cu e caso wordo trata, probablemente otro aña, cu Hof por yega na e conclusion cu e merece un castigo mas halto.

Den e caso di Jorge, Joander y Arold a Corte a conclui cu conhuntamente nan a comete atraco y a haci uzo di violencia. E parti ey di e citacion a lega legal y convincentemente proba. Den e caso di Jorge y Joander, tambe a keda proba secuestro, maltrato y menasa di dos mucha homber.

Corte a conclui tambe cu e dosnan cu tabata maneha henter e situacion tabata e rumannan Jorge y Joanders, mientras cu nan amigo Arold, y Dirksz tambe, a simplemente yuda nan comete nan delitonan. Pa e motibonan aki a impone pa Jorge 11 aña (un aña menos cu e demanda); Joander a haya 9 aña y Arold 7 aña. Tur un aña menos di loke cu Fiscal a demanda. Nan tur despues di sinta dos tercera parti di nan castigo por sali  pa bon comportacion. Nan tin dos siman pa tuma e dificil decision si ta apela e castigo of no. Si apela e castigo, Hof lo trata e caso completamente di nobo. Nan no por haya e mesun castigo, menos castigo pero tambe e por ta mas di loke Corte a impone awo.

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!