Dialuna mainta Ministernan di Mep hunto cu e Prome Minister di Aruba a presenta n’e oficina di Gobernador pa informa cu e palabracion di Gobernacion entre Mep y Raiz a keda kibra y cu consecuencia Gobierno ta cay.
E informacion na Gobernador no a dura mucho, y na su salida sra Evelyn Wever Croes a duna su declaracion, cu el a entrega retiro di Gabinete Wever Croes 2 completo, y e Gobierno ta demisionario y ta atende asuntonan coriente. Evelyn Wever Croes a bisa esaki ta debi cu e partner di coalicion a busca alianza cu oposicion y kibra e acuerdo di Mep y Raiz, y sin un acuerdo bo no por tin gobierno.
Esaki ta debi cu Parlamentario Misha Raymond no gusta tal hende y kier bo cambie, e acuerdo di gobernacion ta fundamental y awor aki ta demisionario. Ta lamenta Aruba ta bayendo bon y henter comunidad kier pa nos sigui bay bon y mi ta desapunta como hende y Gobernante, un gobierno cu a logra asina hopi y cu su periodo ta wordo corta.
Entrega di lista ta 18 di october 2024, y eleccion ta 6 di december 2024.
Source link
