Fila brasileiro a masacra señora formalmente na cas

Diadomingo merdia habitantenan di Mabon foi caya di Maishi rabo ta scucha un grito di otro mundo y ora a bay wak kico ta pasando cu e bisiña a constata cu e cacho ta masacrando e señora formalmente.

E Fila brasileiro a morde e señora tur caminda na cabes, brasa y mas parti di curpa. E señora su brasa a keda den situacion critico. Polisnan di San Nicolas hunto cu K9 unit a presenta di biaha y a topa cu e cas tur na sanger y di biaha nan a tira e cacho pone drumi ya cu ainda e Fila brasileiro tabata den posicion di ataca su victima. Ambulance a presenta rapidamente y paramediconan a traha cu e señora y a opta bay centro medico cu sumo urgencia pa dokternan traha di biaha riba e brasa cu ta critico y e otro heridanan na curpa.