Connect with us
MVP Ad

ESNAN RESPONSABEL PA 600 KILO KOKAINA KU A

Local

ESNAN RESPONSABEL PA 600 KILO KOKAINA KU A

ESNAN RESPONSABEL PA 600 KILO KOKAINA KU A DISPARSÉ MESTER KARGA NAN RESPONSABILIDAT

ESNAN RESPONSABEL PA 600 KILO KOKAINA KU A DISPARSÉ MESTER KARGA NAN RESPONSABILIDAT

WILLEMSTAD.- Parlamentario di MAN Yaël Plet ta insistí ku esnan ku ta responsabel pa e kaso di 600 kilo di kokaina ku a disparsé for di sekshon di narkótika di Warda di Polis mester karga nan responsabilidat. “Esei ta un punto ku mester ta kla pa tur hende”, asina e parlamentario ta bisa riba e kaso ku a kousa konsternashon den komunidat den 2018.
Otro siman e debate den Staten riba e asuntu aki ta sigui. Minister mester duna kontesta riba diferente pregunta ku a bin dilanti durante e promé parti di e reunion.

Manera EXTRA a informá, e rapòrt di investigashon di un komishon speshal ta kla basta dia.
Di otro banda e investigashon penal ta den man di Ministerio Públiko i ta kanando lento. Pa loke ta trata e rapòrt poko informashon a bin afó te ainda. Tin informashon ta sirkulá ku e grupo di tres eksperto a konkluí ku e negligensia pa e situashon ta kai riba Ministerio Públiko, Mando di Polis i tambe e minister. Pero no tin konfirmashon di e parti ei.
Loke si ta notabel ta ku e minister tin e rapòrt duru wantá. Es mas, e minister a indiká ku aktualmente ta trahando riba e prosedernan interno pa evitá ku algu asina aki por pasa atrobe. Te einan el a yega te awor.

 

No ta pasa un dia ku sea den medionan òf riba retnan sosial, ta hasi e pregunta kon a para ku e kaso. Hasta ta usa e kaso pa sea ridikulisá e minister i Kuerpo di Polis. E parlamentario Plet ta un di e poko nan ku a insistí pa hasi pregunta den e kaso aki. E parlamentario ta kere ku pueblo meresé un klaridat den e kaso aki.
Segun Plet, komo parlamentario e kier ta krítiko riba gobernashon. Na su manera di mira tin diferente aspekto no a kana bon. Hustisia a pone man riba un lote grandi droga i e droga a bai bèk den mesun mundu. Na yanüari e minister a bisa ku e lo duna kuenta i rason riba e kaso den Staten. Banda di esei tin tambe un rapòrt di Raad voor de Rechtshandhaving ku a señalá for di aña pasá ku no tin prosedernan establesé pa warda artíkulonan konfiská. “Nos kier tende di e minister ki paso e lo tuma. Ademas nos kier sa ken ta responsabel pa loke a tuma lugá”, asina e parlamentario ta bisa.
Informashon ku tin riba e kaso ta bisa ku e departamento konserní for di basta tempu a bisa ku nan no ta sinti nan kómodo den e área aki. A pone mas seguridat i kámara pero ainda tin preguntanan habrí. “Ta hasi kosnan ad hoc pero nos kier sa kon ta pará den futuro. Nos ta bai traha un sentro sentral pa warda loke konfiská? Lei ta bisa ku ta na Korte mester warda e artíkulonan konfiská. Ta kosnan ku nos mester sa kon ta bai hasi ku nan den futuro”.
Un di e vershonnan ku ta sirkulá ta ku ta poko poko a hòrta e droga. Plet tambe a tende esei pero komo parlamentario e kier papia riba kosnan verídiko i probá. “Mi no ta kere nos tin ku bai tras di rumornan. Nos no a haña e rapòrt ainda. Nos no kier bai krusa e investigashon pero nos kier sa kiko ta bai hasi na e prosedernan”, asina e parlamentario ta bisa.

 

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!