Connect with us
MVP Ad

ENTRANTE 3 YÜNI NO POR PAGA KU SÈN KÈSH MAS NA KRANSHI

Uncategorized

ENTRANTE 3 YÜNI NO POR PAGA KU SÈN KÈSH MAS NA KRANSHI

ENTRANTE 3 YÜNI NO POR PAGA KU SÈN KÈSH MAS NA KRANSHI

ENTRANTE 3 YÜNI NO POR PAGA KU SÈN KÈSH MAS NA KRANSHI – WILLEMSTAD.- Entrante di 3 yüni no por paga sèn kèsh na Kranshi mas. Ya ta hasi 5 aña ku Kranshi a hasi e petishon pa permití ku klientenan por paga pa medio di ‘swipe’. E motibu pa a hasi e petishon ta pa, manera SOAB a señalá, evitá posibilidat di froude i pa evitá ku ámtenarnan mester keda poné den posishon di riesgo ya ku nan lo mester keda enkargá ku transportá plaka kèsh pa banko. E motibu ku a wanta ku introdukshon di ‘swipe’ na Kranshi ta pasó a tene kuenta ku ‘onderstandtrekkers’ i ku e produktonan di 1 florin i 5 florin.

Entre tantu ta 4 aña pasá ku SOAW a introdusí ‘karchi di banko’ pa esnan ku ta kobra ònderstant. Konsekuentemente no tin motibu pa tene kuenta ku e grupo aki mas na Kranshi ya ku nan por ‘swipe’.
Kranshi promé di a tuma e desishon pa stòp ku e posibilidat pa paga kèsh pa e produktonan di 1 florin i 5 florin a pone den balansa e komodidat di e kliente di un banda i asuntunan di seguridat i gastunan operashonal di otro banda.

Pa loke ta trata aspektonan di seguridat t’asina ku Gobièrnu tin e obligashon pa pèrkurá pa redusí riesgonan di seguridat pa ku ámtenarnan na un mínimo. Manteniendo e posibilidat pa paga kèsh pa produktonan di 1 florin i 5 florin ta trese kuné ku sea ta laga ámtenarnan kore riesgo dor di mester saka plaka di Kranshi hiba banko òf ta enkargá un kompania di transporte di kosnan di balor ku esaki.

Un evaluashon ku Kranshi a hasi a duna komo resultado ku Kranshi tin mas gastu na e kompania di transporte di kosnan di balor ku loke e produktonan di 1 florin i 5 florin ta generá. Esaki kombiná ku e echo ku gastunan pa produsí un sédula ta mas haltu ku esun florin ku e kliente ta paga, ta hasi e desishon di Kranshi pa introdusí ‘swipe’ pa e produktonan aki tambe unu hustifiká i responsabel.
Personanan ku no tin tarheta di débito por depositá e montante nesesario pa e produkto ku nan ke kumpra adelantá na banko. Ku e komprobante di banko ta presentá na Kranshi pa pidi e produkto. Tin ku depositá e montante na Girobank riba number di kuenta 1100037 riba nòmber di ‘Land Cur Burgerlijke Stand Bevolkingsregister’. Ora hasi e pago mester pone nòmber di e produkto ku e kliente ta paga p’e. Tene na kuenta ku no por ‘swipe’ ku tarheta di krédito ni tampoko chèk. Pa informashon di produkto i preis por bishita e wèpsait di gobièrnu www.gobiernu.cw.

Continue Reading
Advertisement
You may also like...

More in Uncategorized

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!