El Louvre Witec, un lider den benta di producto pa cas, y McBride Caribbean, fabricante di e marcanan popular BOP, BEEP, y GO! Insect repellent, a uni forsa pa duna sosten na Stichting Kinderhuis Imeldahof. E dos companianan a compromete nan mes pa yuda nos comunidad, demostrando un fuerte sentido di responsabilidad social.
Den un gesto di responsabilidad social, El Louvre Witec y McBride Caribbean a haci un donacion di Awg. 3,000 na Stichting Kinderhuis Imeldahof. E fondo aki lo yuda cu gastonan necesario pa e muchanan cu tin residencia temporario na e fundacion, y ta duna nan un oportunidad pa un futuro mas prospero.
“Pa nos na El Louvre Witec, ta hopi importante pa duna bek na nos comunidad,” a bisa Rhona Dijkhoff, Gerente di Benta di El Louvre Witec. “Stichting Kinderhuis Imeldahof ta hunga un papel crucial den nos comunidad, ofreciendo un refugio, sosten y guía na e muchanan den necesidad. Nos ta honra di por sostene nan mision y yuda crea un ambiente positivo.”
Stichting Kinderhuis Imeldahof ta un pilar esencial pa muchanan den situacionnan dificil, ofreciendo refugio temporal y guia pa prepara nan pa un miho futuro. El Louvre Witec y McBride Caribbean ta aprecia e trabou incansabel di e personal di Imeldahof, cu ta dedica nan mes, ya pa decadas nan largo, pa asina sigura cu cada mucha ta sinti su mes sigur, stima, y sosteni.
Tocante El Louvre Witec:
El Louvre Witec ta un compania local, dedica na duna producto y servicio di calidad pa mehora bida di su clientenan. Cu un enfoke na participacion comunitario y responsabilidad social, El Louvre Witec asina kier logra tin un impacto positivo den comunidad.
Tocante McBride Caribbean:
McBride Caribbean ta un di e lidernan den fabricacion di producto di cas, reconoci pa su compromiso cu calidad y inovacion. Cu un portafolio diversifica di marcanan manera BOP, BEEP y GO!, McBride Caribbean ta enfoca riba mehora e condicion di bida di famianan, mientras cu ta yuda e comunidadnan door di esfuersonan caritativo.
Source link
