El Louvre Witec y McBride Caribbean ta Duna Sosten na Fundacion Contra Violencia Relacional

23 di Juni ultimo, El Louvre Witec, lider den benta di producto pa cas, y McBride Caribbean, fabricante di e marcanan popular BOP, BEEP, y GO! Insect repellent, a uni forsa pa duna sosten na Fundacion Contra Violencia Relacional. E dos companianan ta compromete pa yuda nos comunidad, demostrando un fuerte sentimento di responsabilidad social.
Den un gesto di gran impacto social, El Louvre Witec y McBride Caribbean a haci un donacion di Awg. 2,250 na Fundacion Contra Violencia Relacional. E fondo aki lo ta destina pa sostene gastonan necesario pa e fundacion, cu ta ofrese refugio y guia na individuo y famianan afecta pa violencia domestico y abuso relacional. E sosten aki ta duna nan un oportunidad pa un bida mas seguro y prospero.
“Pa nos na El Louvre Witec, ta hopi importante pa contribui na bienestar di nos comunidad,” a bisa Rhona Dijkhoff, Gerente di Benta di El Louvre Witec. “Fundacion Contra Violencia Relacional ta hunga un papel vital pa duna sosten y guia na persona den necesidad. Nos ta honra di por yuda nan mision y contribui na un ambiente seguro y positivo den nos isla.”
www.ellouvrewitec.com

Tocante Fundacion Contra Violencia Relacional:
Fundacion Contra Violencia Relacional ta un organizacion sin fin di lucro cu ta asisti individuo y famianan cu ta sufri di violencia domestico y abuso relacional. E fundacion ta enfoca riba empoderacion, prevencion, y educacion den nos comunidad. El Louvre Witec y McBride Caribbean ta reconoce e trabou di e fundacion y ta compromete pa sigui sostene nan pa un miho futuro.Pa mas informacion, por tuma contacto cu Fundacion Contra Violencia Relacional via [[email protected]] of bel na (297) 123-4567.

Tocante El Louvre Witec:
El Louvre Witec ta un compania local, dedica na duna producto y servicio di calidad pa mehora bida di su clientenan. Cu un enfoke na participacion comunitario y responsabilidad social, El Louvre Witec asina kier logra tin un impacto positivo den comunidad. Pa mas informacion tuma contacto cu nos na (297) 588 5577.
Tocante McBride Caribbean:
McBride Caribbean ta un di e lidernan den fabricacion di producto di cas, reconoci pa su compromiso cu calidad y inovacion. Cu un portafolio diversifica di marcanan manera BOP, BEEP y GO!, McBride Caribbean ta enfoca riba mehora e condicion di bida di famianan, mientras cu ta yuda e comunidadnan door di esfuersonan caritativo.