Connect with us
MVP Ad

EKS DIREKTOR DI GIROBANK A APELÁ SU SENTENSIA

Local

EKS DIREKTOR DI GIROBANK A APELÁ SU SENTENSIA

EKS DIREKTOR DI GIROBANK A APELÁ SU SENTENSIA

EKS DIREKTOR DI GIROBANK A APELÁ SU SENTENSIA –  WILLEMSTAD.- Ayera abogado Ornelio “Kid” Martina a  entregá petishon  di apelashon pa su kliente, eks  direktor di Girobank  Eric Garcia (78).

Dos siman pasá Garcia a  keda kondená  na  4 aña di prizòn mas 19 mion florin ku e tin ku paga bèk, si no e tin ku sinta 3 aña mas.

Mesora hues a duna órden pa detené Garcia den sala di korte pa evitá peliger di huida.

Garcia a keda kondená  pa malversashon komo curator, falsifikashon di  dokumentonan di banko Maduro na nòmber di Banco Maracaibo N.V. i tambe labamentu di plaka.

Tur esakinan den e periodo di 1e di yanüari 2010 te ku 20 di yüli 2016 na Kòrsou i tambe Estádos Unídos.

Segun e akusashon, Garcia lo a malversá un montante di 11 mion dòler merikano for di Banco Maracaibo N.V.

Esaki a keda konfirmá pa abogado mr. Valerie Maria ku ta e curator nobo ku a deskubrí e akto di froude ku Garcia a kometé.

Segun e veredikto, Garcia ku tabata curator i mester a manehá e plaka di bankarota di Banko Maracaibo, a transferí e plaka pa diferente kuenta bankario den eksterior.

E plaka aki a  bin resultá serka un kompania di invershon na Merka,  di kual esaki a ser usa pa kumpra akshonnan den Giro ku ta e mesun banko ku e akusado tabata manehá komo direktor.

Esaki a sosodé sin konosementu i sin outorisashon di hues komisario den kaso di bankarota di Banko Maracaibo.

Garcia a duna di konosé ku ta trata aki di un finansa, pero korte ta mira esaki otro.

Segun e kompania di invershon, no tabata trata  di un fiansa, sino di un kontribushon di Garcia pa kompra di akshonnan den Girobank.

Tampoko den ningun dokumento, no ta hasi menshon di un finansa, no tin un akuerdo di finansa i te ku awe  ku ta 9 aña despues, nada di e  suma aki no a wòrdu pagá.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!