Connect with us
MVP Ad

EDIFISIO ORANJEKLEUTERSCHOOL/ “REBOUND” KOMBERTÍ DEN UN SKOL SPESHAL

Local

EDIFISIO ORANJEKLEUTERSCHOOL/ “REBOUND” KOMBERTÍ DEN UN SKOL SPESHAL

EDIFISIO ORANJEKLEUTERSCHOOL/ “REBOUND” KOMBERTÍ DEN UN SKOL SPESHAL

EDIFISIO ORANJEKLEUTERSCHOOL/ “REBOUND” KOMBERTÍ DEN UN SKOL SPESHAL – WILLEMSTAD.- Próksimamente gobièrnu, minister Marilyn Alcala-Walle lo laga kombertí e edifisio di Oranjekleuterschool/“Rebound” den un Skol Speshal. Aki e muchanan di ULC lo por bai ubika.

Riba página di facebook di ministerio enseñansa ta indiká ku resientemente un grupo di mayor a hasi un petishon na gobièrnu pa brinda un skol apropiá pa nan yunan na un skol speshal. Ta trata aki di e petishon di mayornan di Unique Learning Centre (ULC).

Entretantu a haña un solushon temporal pa e muchanan di ULC pa aña eskolar 2019/2020, konforme e reportahe tokante di kada un su situashon spesífiko. Minister di e.o. Enseñansa, sra. Marilyn Alcalá-Wallé a ekstendé un invitashon na mayornan di ULC pa un reunion di informashon. Mayornan a hasi un petishon pa posponé e reunion ku un siman.

Banda di e trayekto temporal aki, gobièrnu ta trahando riba un trayekto struktural i duradero pa akapará e alumnonan ku ta kai bou di e asina yamá cluster 4 di skol speshal.

Konforme artíkulo 21 di Areglo di Estado di Kòrsou gobièrnu mester tin un kantidat sufisiente di skolnan públiko disponibel pa formashon general básiko.

Ministerio di Enseñansa, Siensia, Kultura i Deporte ta trahando riba un PvA, un plan di ehekushon, pa realisá e proyekto aki mas lihé posibel. Asina ta finalisando aktualmente: 1. E lei nobo pa Enseñansa speshal. Den esaki cluster 4 tambe ta inkorporá; 2. E lokalidat di e cluster 4 skol ta konosí i ta situá den e edifisio ántes Oranjekleuterschool/ Rebound na Oranjestraat, ku ta den bon kondishon; 3. Kuríkulo ta den preparashon; 4. Ta trahando riba e kuerpo di maestro i e speshalismonan nesesario; 5. Ta trahando riba leerplan/ plan di edukashon i material nesesario; 6. Inventario i mas.

Pa klaridat ta importante pa indiká ku banda di skol regular, tin skol speshal ku ta wòrdu repartí de e asina yamá clusters: Cluster 1. Skolnan pa muchanan ku bista limitá o sin bista; Cluster 2. Skolnan pa muchanan ku retonan o difikultat ku oido, abla o lenga;Cluster 3: skol pa muchanan ku hopi difikultat pa siña (zmlk), muchanan ku diferente limitashon o ku tin malesa króniko; Cluster 4: skol pa muchanan ku petishon pa sosten den kuadro di retonan di komportashon o retonan mental, sikológiko o sikiátriko.

Continue Reading
Advertisement
You may also like...

More in Local

MVP Ad
To Top
Close
error: Content is protected !!