Draaimento di brommer na Barcadera a termina cu hoben a cay keda herida

Diabierna den careda di 10:45 anochi centro di alarma y polis a keda informa cu na Barcadera tin un accidente cu brommer y un persona ta basta herida, a mobilisa ambulance y polis cu urgencia.

Na yegada di paramedico ta topa cu nan no por yega cu nan vehiculo te unda cu e persona ta herida, debi cu tin un hefboom na candal. Paramedico a saca e cama bay te n’e victima y a resulta cu ta un hoben cu tabata draai cu e brommer rato prome a cay y keda basta herida, A trate di biaha y a keda transporta cu urgencia pa Hospital.
Esaki a sosode riba un tereno priva, polis di trafico a tuma dato pa tin esaki como record. Despues di e accidente e evento di draai brommer a termina.