Connect with us
MVP Ad

DOÑONAN DI “LA TASCA” TABATA GANA 333 MIL FLORIN PA AÑA RIBA “TRAGO MEISJES”

Photo: For Illustration Purposes Only !

Local

DOÑONAN DI “LA TASCA” TABATA GANA 333 MIL FLORIN PA AÑA RIBA “TRAGO MEISJES”

DOÑONAN DI “LA TASCA” TABATA GANA 333 MIL FLORIN PA AÑA RIBA “TRAGO MEISJES”

DOÑONAN DI “LA TASCA” TABATA GANA 333 MIL FLORIN PA AÑA RIBA “TRAGO MEISJES” –

WILLEMSTAD.-   Fiskal de Groot a hasi un demanda di 16 aña repartí den 5 akusado den kaso Vernus.

Ta trata di e kaso di La Tasca ku a keda tratá den korte resientemente.

Pa ku esaki Ministerio Públiko a akusá e pareha doño di La Tasca, Michael i Nina Koense di tabata kometé trafikashon di hende, mal uso  di poseshon kontra  e víktimanan, tabata prohibí nan di tin kontakto, tabata laga nan kompartí un kamber chikí ku otro será na yabi, laga nan traha for di 10 or di anochi te ku 11 or di mainta sin pouze, sin kuminda 6 dia pa siman i tabata obligá nan sedusí e hòmbernan i tene relashon seksual ku nan kontra pago pa paga nan debe nan.

Tambe nan tabata keda obligá pa para riba sapatu haltu mas di 8 ora.

E damanan tabata haña but di 250 florin si nan sali for di e bar bai ku otro hende. Òf si un kliente kier a bai ku un dama, e tabatin ku paga 200 florin.

Den e kaso aki e agente polisial Steven Seinpaal tambe ta  keda akusá pa kómplise  di trafikashon di hende i duna informashon di trabou.

Ministerio Públiko ta akusá ruman muhé di Nina, Bienvenida Feliz Leito di tabata tene e dama nan ilegal den bibienda i tambe kontrolá nan debidamente.

E akusado femenino Yolimar “Negra” Mena de Hurtado  tabata esun ku lo tabata reklutá e damanan  na Venezuela pa nan bin traha.

Fiskal De Groot a bisa ku aki ta trata di un kaso serio i inhumano kaminda e damanan tabata wòrdu obligá pa tene relashon ku klientenan  pa paga nan debe  dor di e sistema di ficho.

Segun fiskal,  un trago tabata kosta 10 florin di kual e dama tabata haña 3 florin  i e resto tabata pa e akusadonan.

Un trago di “Hypnotic”  tabata kosta 15 florin di kual e damanan tabata haña 4 florin i e sobrá pa e akusadonan. Segun fiskal mas aleu banda di e esaki e akusadonan tabata gana plaka di but di e damanan i tambe ora nan sali ku kliente. Banda di esaki nan tabatin e pago di e debe ku e damanan ta drenta kuné, ku ta surpasá e gastu ku a keda hasi pa e damanan por a yega Kòrsou. Mientrastantu ku e debe no keda kanselá, e plaka ku e damanan traha ta keda den man di e akusadonan.

Fiskal a splika ku e damanan tabata wòrdu pagá un salario di 125 pa 175 florin pa siman. Segun fiskal si bo konta esaki den 60 ora  pa siman, e damanan tabata gana 2,50 pa ora ku ta kompletamente bou di pago pa lei.

Segun e kalkulo, e  akusadonan tabata gana mas o ménos 333 mil florin riba e damanan kitando tur gastu.  Fiskal ta di opinion ku e akusadonan tabata disfrutá di un bon ganashi riba kabes di e damanan.

Pa loke ta trata e ròl di Nina “Mami” fiskal a bisa ku for di tur e deklarashonnan di e damanan, por a saka afó ku Nina tabatin e ròl  di mas importante.

Michael tabata tei tur dia den e sitio i tabata kana rònt pa wak si tur kos ta kana bon.

Pa  loke ta trata Bienvenida “Ibi’ Leito, e damanan a deklará ku pa Ibi nan mester tabata  konstantemente okupá ku kliente.

E no tabata permití pa nan sinta niun sekònde. E tabata kontrolá i wak tur kos ora Nina no tabata tei i kont’é tur kos ora e bin.

Segun deklarashon di un di e damanan, Ibi tabata meskos ku su ruman Nina, “streng”, fèrfelu, serio i por ta hopi malu kontra nan.

E tambe tabata parti but.  Segun e e deklarashon, Ibi a yega di maltratá un di e damanan verbalmente pa motibu ku el a bai kome.

E ròl di Yolimar tabata ser konsiderá komo kómplise di trafikashon humano, dor ku e tabata esun ku tabata buska damanan  fo’i Venezuela  pa traha den  Tasca.

E tabata yuda kontrolá nan den La Tasca i tambe tabata kobra but.

E tabata man drechi di Nina i tabata regla tur kos di e damanan pe.

Segun un di e víktimanan, Yolimar a yega di menas’é ku e lo mat’e si e bai polis.

Pa loke ta trata Seinpaal, fiskal a bisa ku e akusashon kontra di Seinpaal ta otro.

Segun fiskal komo e profeshon di polis, e akusado no por bishitá  sitio nan asin’aki kaminda e sa ku tin ‘trago meisje” ku pa lei ta ilegal i tambe damnan ilegal. Ku esaki e akusado a hasi su mes kulpabel na “ambsinstructie”.

Fiskal a bisa ku dor ku e tabata frekuentá e lugá regular i tabatin amistat ku e doñonan, el a laga parse ku e e asuntu di trafikashon di hende i tambe  “Trago meisjes” no tabata importante pe.

Esaki tabata duna e akusadonan konfiansa i speransa di no wòrdu strobá den loke nan tabata hasi.

Mirando tur esakinan fiskal a haña tur e e akusadonan kulpabel den e kaso aki. Pa Nina i Micheal Koense fiskal a hasi un demanda di 5 aña, pa Leito 3 aña, Seinpaal 2 aña i pa Mena de Hurtado 18 luna di kual 6 kondishonal.

Korte lo dikta sentensia aki 3 siman.

More in Local

MVP Ad
To Top
Close
error: Content is protected !!