Connect with us
MVP Ad

DOÑO DI KOMPANIA DI BUGGY A KITA SEYO

Local

DOÑO DI KOMPANIA DI BUGGY A KITA SEYO

DOÑO DI KOMPANIA DI BUGGY A KITA SEYO I HABRI SU ESTABLESIMENTU SIN OUTORISASHON

DOÑO DI KOMPANIA DI BUGGY A KITA SEYO I HABRI SU ESTABLESIMENTU SIN OUTORISASHON

WILLEMSTAD.- Djasabra den oranan di mainta funshonarionan di MEO mester a bolbe bai na e kompania Buggy Tours /Curaçao Buggy Adventures despues di a risibí informashon ku e kompania a habri bèk despues ku nan a keda será djabièrnè pa falta di kumplimentu ku lei i ku nan tabata operá bèk manera nada no a pasa.

Na momentu ku e funshonarionan a presentá na e sitio i a tuma kontakto ku e doño ku e momentu ei no tabata presente, por a komprondé for di dje ku el a komprondé e representante di MEO malu despues di un kombersashon.

Pues aparentemente un mal komprondementu a pone ku e doño a kita e seyo i habri su establesimentu sin ku e tabata outorisá pa hasi esaki.

Manera regla ta, ningun persona òf komersiante no ta outorisá pa kita e seyo/steker ku e funshonarionan pone na momentu ku kontrolá i sera bo establesimentu, porta, frizer, kashi etc.

E echo aki ta unu kastigabel pa lei.

E funshonarionan a bolbe sera e establesimentu i a pone un otro seyo pa asina tene e establesimentu sera te na momentu ku e doño keda outorisá pa habri su establesimentu bèk.

More in Local

MVP Ad
To Top
Close
error: Content is protected !!