Connect with us
MVP Ad

DETENSHON A KUMINSÁ KAI

Caribean

DETENSHON A KUMINSÁ KAI

DETENSHON A KUMINSÁ KAI

DETENSHON A KUMINSÁ KAI – KRALENDIJK.– Detenshon a kuminsá kai den e kaso di atrako na Van de Tweel Supermarket. Djarason anochi e tim di reshèrshe ku tin e investigashon na nan enkargo, a realisá e promé detenshon. Ta trata aki di e hòmber L.A.C.M. di 50 aña di edat.

Djaluna 20 di mei den oranan di mainta un atrako a tuma lugá riba e sitio pa stashoná outo na Van den Tweel Supermarket. Momentu ku un personal di e kompania di siguridat Delta Security a bai tuma plaka pa depositá na banko, el a keda sorprendé pa un hòmber kara tapá ku arma di kandela kende bou di menasa a ranka e saku di plaka pa despues subi un outo i disparsé for di e sitio.

Tabata trata di un montante di mas ku 60 mil dòler di benta di fin di siman. E manager di e supermarket e dia siguiente no ke a menshoná e suma ku e atrakadó a bai kuné i a indiká ku no ta asina ku e kompania di siguridat ta bin buska plaka riba mesun dia i ora pero ta varia di dia i ora.

For di otro fuente Extra a komprondé ku esaki no ta e kaso, pero ta dianan i ora fiho tin pa e kompania bin buska plaka pa bai depositá. For di momentu ku e atrako a tuma lugá tabatin rumor ku aki ta trata di un plan trahá adelantá i e atrakadónan tabata sa bon e ora ku e personal di siguridat ta bai buska e plaka. Despues di a akumulá basta informashon, djarason mainta tempran e tim di reshèrshe a tene kuater entrada hudisial relashoná ku e kaso aki pa mas lat den oranan di anochi realisá e detenshon. Durante e entradanan aki e konfiská materialnan ku ta di importante pa e investigashon.

Informashon ku Extra ta disponé di dje ta indiká ku e sospechoso ku a detené ta e persona ku tabata den e vehíkulo di e kompania Delta Security ku tabata sperando e otro personal ku a baha bai tuma e saku di plaka, loke ta duna forsa na e rumornan ku tabata sirkulá ku aki ta trata di un atrako planiá delantá. Awor ku e promé detenshon a kai ta habri kaminda pa yega na e kulpabelnan i pronto por  spera mas detenshon, un fuente a sigurá Extra.

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!