Desordo di porta di glas a pone ladron na careda den Dakota

Desordo fuerte ta lanta habitantenan di Dakota diahuebs marduga den Milonstraat y ora a bay wak a constata cu un porta di schuifdeur di un cas a keda destrui y ta den banda. Segun e habitante di cas cu ta un señora di edad e desordo a lante y ora a wak a haya su porta di cas destrui. Polisnan a presenta di biaha ne sitio, te hasta e bisiñanan a sali debi ne desordo

A bay controla camaranan di siguridad y a capta un ladron den e bario den un auto color cora y conoci pa husticia caba y a mira e cara di e ladron. E homber a drenta e cas pa horta pero lo a sinta cu tin hende y asina bandona e sitio momento di e desordo di e porta di glas. Polis a tuma dato y a hinca esaki den man di recherche pa investigacion.