Den e di segundo trimester di 2024, consumidornan ta premira cu e situacion financiero di nan hogar lo ta un reto den e siguiente 6 luna

Banco Central di Aruba (BCA) a conclui e Encuesta di Confiansa di Consumidor pa e di segundo trimester di 2024. E encuesta di confiansa di consumidor ta evalua e percepcion economico di e consumidor local.

Preocupacion principal di consumidor den e di segundo trimester di 2024:
∙ Casi mitar di e respondentenan ta premira cu nan situation financiero di nan
hogar lo deteriora (Q2-2024: 42% vs. Q1-2024: 20%).
∙ Casi mitar di e respondentenan ta anticipa cu e situation di negoshinan y di
economia lo deteriora (Q2-2024: 43% vs.Q1-2024: 47%).
∙ Mas cu un tercera parti di e respondentenan ta premira cu e posicion
financiero di gobierno lo empeora (Q2-2024: 37% vs.Q1-2024: 34%).
∙ Como un tercera parti di e respondentenan ta premira mas dificil pa haya un
trabou nobo (Q2-2024: 35% vs. Q1-2024: 38%).
Consumidornan tabata mas pesimista, mirando cu e Indice di Confiansa di Consumidor a baha cu 0,6 punto di indice te na 93,7 den e di segundo trimester di 2024 (mira Grafico 1)

1 E version original na Ingles ta prevalece,
2 E indice por varia entre 90 y 110. Entre 90 y 100, e indice ta mustra un situacion di pesimismo. Un indice di exactamente 100 ta indica cu consumidornan no ta ni optimista, tampoco pesimista, pero ta neutral den nan pensamento di desaroyo economico na Aruba. Entre 100 y 110, e indice ta mustra un situacion di optimismo den pensamento di consumidornan

E Indice di e Situacion Actual a baha cu 0,9 punto di indice, esta di 94,6 te na 93,7 den e di segundo trimester di 2024. Mientrastanto, e Indice di Habito di Consumidor como e Indice di Expectativa a cay te na 93,8 y 94,3, respectivamente, den e di segundo trimester di 2024. Esaki ta indica cu consumidornan ainda ta cauteloso encuanto nan habito di compra y fiansa den e di segundo trimester di 2024. Tambe, prijsnan mas halto den e proximo 6 lunanan ainda ta keda un preocupacion grandi den e di segundo trimester di 2024. E Indice di Expectativa di Prijs a subi te na 90,2 den e di segundo trimester di 2024 (mira Grafico 2).

Respondentenan cu a indica cu nan por cumpra menos cu nan entrada compara cu 6 luna pasa a subi te na 93% den e segundo trimester di 2024. Pa e respondentenan cu a expresa cu nan ta spaar menos, esaki a baha te na 43% den e di segundo trimester di 2024.
E relato completo di e Encuesta di Confiansa di Consumidor ta disponibel ariba website di BCA www.cbaruba.org