Connect with us
MVP Ad

DEMANDANAN A KAI PA AGENTENAN DI “FÁBRIKA DI SWIPE” DÒLER

Local

DEMANDANAN A KAI PA AGENTENAN DI “FÁBRIKA DI SWIPE” DÒLER

DEMANDANAN A KAI PA AGENTENAN DI “FÁBRIKA DI SWIPE” DÒLER

DEMANDANAN A KAI PA AGENTENAN DI “FÁBRIKA DI SWIPE” DÒLER – WILLEMSTAD.- Di akuerdo ku fiskalnan di ministerio públiko, mr. Koert i Mul, ku e akusashon kontra e akusadonan den kaso Troja por keda probá. Kaso Troja ta trata investigashon di “swipe” dòler dor  di venezolanonan. Ta konsiderá e akto di “swipe” dòler komo labamentu di plaka. Esaki ta un dje akusashonnan. Tambe ta akusá nan di trahamentu, uso, entrega i ta den posishon di fakturanan falsu, kaminda por papia di intenshonalmente a kometé e echonan aki.

Pa tur e akusadonan korte a demandá kastigunan di prison abou. E akusadonan den kaso Troja ta R.M. Balarman (India, 1966), J.M.R. Vasquez-Ortega (Chile, 1961), L.A. Gonzalez-Zwanenburg. (Venezuela, 1984), J.L. de Andrade (Venezuela, 1975), R. del C. Asuaje (Venezuela, 1962) i R. del C. Asuaje den representashon di un empresa lokal Crown Import & Export.

E investigashon ku a kuminsá na Kòrsou na 2015. Esaki ta nifiká ku e kaso ta poko bieu, pero e tabata un investigashon hopi kompliká. Ademas e tabata kore paralelo ku e investigashon “Cymbal” na Ulanda.

E promé kaso di Troja a tuma lugá den febrüari 2018 i despues a keda posponé na vários okashon debí ku ta manda e kaso pa hues komisario. Eskai ta sosodé na vários okashon dor di abogadonan dje akusadonan. Pues e echo ku tratamentu di e kaso den sala di korte a dura no ta solamente dor di falta di ministerio públiko. Esaki tin un influensia limitá riba e kastigu ku ministerio públiko a pidi pa e akusadonan. Ademas dos dje akusadonan pa un korto tempu tabata den aresto preventivo, kendenan ta Balaraman i Gonzales-Zwanenburg).

Esnan na kabes di e asuntu di “swipe” of esnan ku ta responsabel pa a pone e struktura di e fábrika di “swipe” ta e komersiante lokal Itzhak Grynsztein. Nan ta e akusadonan prinsipal den e kaso aki, mirando e ganashi grandi ku nan a realisá pa medio di e akusadonan ku ta ser mirá komo “agente”. Nan ròl tabata masha esensial den e negoshi di “swipe”.

E agentenan den kaso Troja a sòru pa un parti grandi di e plaka ku ta 233 mion dòler. Itzhak a atmití ku el a sòru pa pone e infrastruktura, pero e agentenan i nan supagentenan a sòru pa krea e fondonan. Esaki ta keda konfirmá dor di sifranan.

E forma di ‘swipe” ku e akusadonan a hasi no por ser mirá komo un servisio ku nan a duna na e venezolanonan den nesesidat. E venezolanonan individual ku a hasi uso di esaki, enberdat i aparentemente lo a mehorá nan situashon finansiero pa un periodo, pero esaki no ta un motibu noble di e akusadonan. E motibu dje akusadonan ta pa hasi ganashi, puro kos di “golos”.

E akusadonan tabata sigui tur lei ku ser kambiá na Venezuela. E forma kon tabata hasi negoshi di “swipe” kontinuamemte tabata keda adaptá: kuentanan bankario ta ser habrí den eksterior, tabata lanta kompanianan fantasma, website nan “fake” kaminda por a kumpra lingerie. Un fluho enorme di bònnan di “swipe” i fakturanan falsu. No ménos ku 1 mion di transakshonnan di “swipe”.

Fiskal di ministerio puúbliko a yega na e siguiente demandanan pa Balaram di 30 luna, Gonzales Zwanenburg 30 luna, De Andrade 30 luna, Vasquez Ortega 20 luna, Asuaje 16 luna i e kompania Crown Import & Export N.v. un but di 100 mil florin.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!