Dama(58) Mericano a hay’e cu problema den lama y no ta sobrevivi – Aruba Native

Boca Catalina – Diamars merdia polis y ambulance a bay un luga ya bon conoci pa nan, esta Boca Catalina.

Eynan un dama(58) turista crucero a wordo treci tera, despues cu e la haya problema den lama cu e Sea Bob. Segun nos a conpronde esnan cu a mira cu e lo a hay’e den problema a purba yuda mesora.

Unabes na tera, polisnan y Paramediconan a cuminsa cu cpr, a sigui e protocol pero tawata envano.

Instancia nan concerni a wordo poni na altura di un otro caso lamentabel unda cu un turista ta bin Aruba, y durante cu e ta disfrutando e ta fayece.

Esaki ta e di 3 turista cu ta muri den 1 siman di tempo, durante cu nan tawata den lama.

SUGERENCIA

Comentarionan cu a surgi ta bisa, cu a yega ora pa esnan cu ta handle cu turistanan, y instancia grandi manera ATA Y AHATA pa informa turistanan riba locual cu nan lo tin di tene cuente cu ne unabes nan drenta lama.

Por ehempel si nan tin un of otro problema cu nan salud y e risico/nan di bira malo por aumenta durante cu ta del lama.