Dama bebi suso a kibra auto den baranca dilanti airport

Diabierna pasa di 2’or di marduga na e caminda paden di airport un dama tras di stuur di un hyundai accent a baha caminda y a dal contra di un baranca y a kibra e parti drechi dilanti di su auto.

E dama a core cune asina mes, pero debi cu likidonan tabata sali foi dilanti di e auto, e no por a yega leu y a para net dilanti airport pa subi e rotonde.

Polis a presenta a constata cu e dama a dal den baranca suso, y e tabata cooperativo y a splica kico a sosode, e dama a conta polis cu e tipodi seguro cu e tin ta cubri e auto. El a keda encarga pa busca un takelwagen pa hiba e auto ya cu e ta biba basta leu di unda e accidente a pasa.