Dama bebi a sali di parada y a accidenta riba otro auto staciona

Riba Stadionweg diadomingo marduga un dama tras di stuur di un nissan cube a perde control bay na su man drechi y a dal contra di un suzuki swift staciona.

E cube a keda basta kibra, e swift tambe a keda destrui drechi dilanti. No tabatin ningun hende herida. Polis a presenta pa tuma dato, a constata cu e dama chauffeur ta bebi a pone pasa test y a faya tur e chensnan y a keda deteni hiba warda di Polis pa un test dilanti sub fiscal.