Cuatro homber riba boto deteni dos tabata ser busca pa husticia di Aruba

Diasabea mainta un patruya di Wardacosta a haya un boto para cla cu 4 homber latino na
bordo pa bai Venezuela den area na pir pabou di Barcadera. Na momento cu e personal
di Wardacosta a bai controla e cuatro personanan cu ta na e boto, a haya 2 Venesolano y
2 Colombiano. A bay cu e cuatro personanan y e boto na e base di Wardacosta na
Savaneta. Dos di e personanan tawata tin nan documentonan hunto cu nan y dos otro no
tawata tin ningun documento huntu cu nan.
Wardacosta mesora a tuma contacto cu e ‘Unit Mensenhandel en Mensensmokkel’ (UMM)
y UMM a indica, cu dos di e hombernan cu nacionalidad Colombiano ta ser busca pa
husticia na Aruba pa diferente robo. E boto a ser confisca y lo keda na base di
Wardacosta pa haci mas investigacion. E personanan cu tawata ser busca pa e robonan a
bai cu personal di recherche di Cuerpo Policial di Aruba. E dos otro hombernan a bay cu
personal di Guarda nos Costa. E caso lo sigi den investigacion.