Connect with us
MVP Ad

CRIMINALIDAD BOU HOBENNAN TA ALARMANTE

Caribean

CRIMINALIDAD BOU HOBENNAN TA ALARMANTE

CRIMINALIDAD BOU HOBENNAN TA ALARMANTE

CRIMINALIDAD BOU HOBENNAN TA ALARMANTE – ORANJESTAD.- Jeandro Angela no a spera cu e lo a wordo haya culpabel di intento di asesinato. Diabierna mainta sinta den Corte por a nota na su cara cu e no por a kere y ainda na final a bolbe puntra: si ta 48 luna mes el a haya.

Jeandro Angela ta wordo acusa cu dia 11 di juni di 2018 el a los tiro riba un auto den cual tabatin algún persona sinta. Según e investigacion haci, e bala pasa dor di bentana di e vehiculo y a bay dal den stuur di e vehiculo. Hopi suerte e chauffeur tabatin den e caso aki.

Hues na momento di lesa e sentencia, a bisa e acusado cu e ni Corte tin motibo pa duda den declaracion di e personanan cu tabata den e auto, encuanto e sucedido.  Nan tur a bisa cu ta e acusado aki, esta Jeandro Angela, ta esun cu a los e tiro. A menciona cu e homber Jozef B a mira e acusado cu e arma den su man, pero na Corte di repente el a cambia su declaracion y a bisa cu e no a mira kende ta esun cu a tira. E cambio aki ta sospechoso pa Corte, pa cual ta keda haci uzo di su prome declaracion, cual el a firma tambe.  No tin motibo tampoco pa pensa cu Polis a traha un traha procesverbaal cu cosnan incorecto. Si e ta bisa esey mes, no tin ningun otro indicacion cu un otro persona a los e tiro cu no ta e acusado Jeandro Angela.

Loke cu a pasa tabata algo hopi peligroso, Hues a bisa e acusado. E bala facilmente por a alcansa un di e personanan den e vehiculo. Pero, manera el a bisa, danki Dios cu esaki no a sosode.

Tristo den e caso aki ta cu e hoben a comete e delito den su tempo di prueba. Pa e motibo aki tambe Fiscal a pidi Corte pa ehecuta e castigo condicional cu e tabatin. Esaki tabata 151 dia. Pues Hues a bisa cu mirando e demanda di Fiscal, cu ta igual cu loke Hof normalmente ta impone pa tipo di casonan aki, el a dicidi di bay di acuerdo cu e 48 lunanan pidi, cu ta 4 aña, mas e 151 dia cu e acusado a haya como castigo condicional den su sentencia anterior.

E tristo ta cu ta trata di un acusado relativamente hoben, di mas o menos 20 aña,  kende den un tempo cortico, un aña a haya su mes envolvi dos biaha caba cu husticia. Y e ultimo caso aki ta uno hopi serio. Pero e tristesa no ta caba eynan, ya cu e hoben aki tin mas ruman rond di su mesun edad cera den KIA cun’e. Dos siman pasa dos otro ruman di dje, un mucha muhe di 16 aña y un otro ruman homber tambe a wordo condena pa casonan serio, di intento di asesinato y arma. Segun nos por a compronde, e tin un ruman mas cu ta cera den KIA pa haci esaki en total 4 ruman.

Sumamente tristo. E seccion hubenil di KIA, den cual normalmente ta cera e muchanan te cu 18 aña, tambe tin hobennan te cu 20 aña pa evita cu nan ta envolvi nan mes cu delincuentenan mas pisa. Pero e seccion aki ta completamente yen, no tin mas espacio. Seccion hubenil ta solamente pa mucha homber pa cual ora cu KIA haya un preso hoben, e ta un problema serio con mester acomode. E ultimo, cu ta ruman di e acusado condena diabierna ultimo, mester a pasa tempo den e seccion isola, unda cu su derechonan a wordo limita.  Un prueba cu e situacion di criminalidad bou di hobennan ta hopi alarmante.

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!