Diamars anochi polisnan encarga cu area di hotel a tene un control y a topa cu un hyundai Tx-450 y a para e chauffeur dilanti di south beach mall. E chauffeur a duna di conoce na Polis cu e no tin seguro, a pone baha e turistanan abordo y bise cu e tin cu tuma e auto den beslag. Pa polis ta lamenta con un taxista coriendo cu turista nos unico pilar, y den vehiculo sin seguro.
E chauffeur a baha y cuminsa na resisti cu Polis, no a keda nada otro cu mas patruya a presenta y a detene pa resisti cu polis. Mes momento a tuma e auto den beslag. Vehiculo di transporte a presenta y a bay cu e detenido pa warda di Polis.
E por haya su vehiculo bek ora cu regla e documentonan necesario. Ta lamenta cu DTP no ta haciendo e controlnan necesario, unda DTP ta? Pakico nan tin Dienstauto cu no por haci e controlnan y pidi yudansa di Polis, ta preguntanan cu sigur lo keda sin contesta, pasobra e director ta mas na winterslaap cu ta funcionando.
DTP ta pagando pa un edificio di riba 330m2. Mas cu 8 mil pa luna, ta spera cu por tin mas control y actividad cu e departamento concerni.
Source link
