Coleganan a haya homber benta abou no ta move di mainta a haya su falta

Dialuna fo’i oranan di mainta algun colega a haya falta di nan compañero di trabou, a bay te na su cas dos biaha durante dia parti mainta y merdia na Pos Chikito complex pero nada. Atardi un colega cu a caba di traha a opta p’e mes bay atras y bati na tur bentanan y aki el a opta bula cura y bay patras wak y a mira e homber benta abou no ta move. Ta momento cu el a bati alarma na polis, ambulance y brandweer a keda dirigi. Te hasta hefe di trabou a presenta ya cu algun di e coleganan tambe a presenta.

A logra di habri e porta di cas pa bay paden y asina, bombero y ambulance a drenta paden. A duna un man pa lanta e homber cu tabata basta malo na vloer debi n’e calor y no a consumi awa henter dia y cu e salud a bay mas atras.

Paramedico a stabilise y transporta e homber cu urgencia pa trabou. E homber no a yega su edad di pensioen ainda y e ta un persona hopi balente y amistoso cu su coleganan di trabou.

Polis tambe a tuma dato di e caso, pa pase over pa Slachtofferhulp.