Diadomingo den careda di 7:30 barionan di Santa Cruz, di Cashero te cu Matividiri, Piedra Plat, Seroe Pita, y bisindario a keda sin awa, algun cas a sinti cu e presion tabata hopi abou.
Nos a sali busca informacion y a constata cu ta un accidente tabatin den area di Cashero unda un homber di edad bebi a baha caminda y ranca un hydrant di awa. Hopi awa a bay riba caminda, Web a keda informa te casi pasa di 8’or anochi. Polis di trafico tambe a presenta despues di rato cu a keda notifica y a mira e situacion, e hydrant a keda bou di e mitsubishi suv pega. Ambulance a presenta pa controla e chauffeur di edad pero no tabata nada herida pa bay hospital. Polis di trafico a pone supla y a haya multa tambe. Personal di WEB a hayanan mes cu trabou grandi mester a desconecta awa di otro caminda pa asina e awa stop di basha y e trabounan cuminsa, y esaki a afecta mas bario momento cu a stop e suministro di coriente pa un rato.
Na final takelwagen di seguro a presenta y lanta e auto pega riba e hydrant.
Source link
