Chauffeur bebi a kibra dos auto na Hooiberg

Diasabra mainta habitante di Hooiberg a scucha un desordo basta fuerte pafo di cas y ora a sali wak a tuma nota cu un auto a dal basta duro kibra dos auto staciona dilanti cas y di biaha a yama Polis..

Patruya di Santa Cruz, trafico y roadservice di biaha a keda dirigi pe sitio. Na yegada a topa cu un chauffeur di un nissan versa basta bebi a pone pasa test di alcohol y a keda deteni di biaha pa core autoo bebi. El a dal contra di un spark press e spark contra di un jeep wrangler. Tanto e spark y e wrangler jeep a keda basta destrui. Afortunadamente ningun hende herida, daño material tabata basta.